Идејата за хеликоптерот ја даде генијалниот Леонардо да Винчи околу 1500-та година, но првиот употреблив хеликоптер го конструира Игор Сикорски во 1940 година. Самото задоцнување во однос на појавувањето на првиот авион, зборува за неговата сложеност како машина која била условена од нивото на технологијата на материјалите што биле неопходни за изработка на виталните делови. Во овој напис ќе ги разгледаме најпознатите современи борбени хеликоптери...

Како што веќе беше најавено во написот "Астрономски настани во 2005 година" (во јануарскиот број на ЕМИТЕР), на 23 јули, точно во 18:52 часот, Сатурн ќе се приближи на само 1 аглова минута од дискот на Сонцето, но сепак недоволно за "средба од трет вид". Заради сјајот на Сонцето, овој настан ќе биде видлив само со посебни инструменти, наречени коронографи (кои се наменети за набљудување на короната, задолжени да ја затскријат заслепувачката фотосфера) или со употребување на посебни филтри.

Погледнете го ноќното небо над вас. што забележувате? Ако живеете во некое помало место или на планина набљудувањето на небото би ви претставувало вистинско уживање. Ако пак живеете во Скопје, ќе мора да се задоволите со најсјајните ѕвезди, Месечината и поблиските планети. Јупитер е една од нив, воедно и најсјајниот објект на ноќното небо деновиве, по Месечината се разбира. Движете го погледот по небесниот екватор од источниот кон западниот хоризонт и ќе го забележите.

Доколку планирате да го поминете летото слушајќи ги омилените музички хитови на вашиот mp3-плеер, тогаш можеби сакате да дознаете нешто повеќе за магичниот MP3-формат. Дознајте како функционира, кои се неговите предности, а кои негови негативности. Бидете различен од другите и научете нешто што малкумина го знаат!..

Љубовта кон музиката и музичката дарба многу често одат по различни патеки. Понекогаш, кога ќе надвладее љубовта, тие две патеки се соединуваат во една. Кога кон тоа ќе се додаде семејната атмосфера, постојано исполнета со музика, и домашното студио во кое најстариот Димитров го помина најзрелиот дел од своето музичко творештво, јасни се предусловите во кои израснале и се оформиле постариот Оливер и помладиот Дарко Димитров. Тие практично и израснале во сопствено студио...

Малите тајни на природата, кои чуваат во себе и по некоја скриена полезност за човековата егзистенција, често пати се среќаваат кај некои, не така привлечни суштества од нашата непосредна околина. Минијатурната жабја убавица поседува токму таква, карактеристична способност, чија суштина може да ја унапреди соодветната медицинска постапка. Тоа е и примарен мотив за нејзино појавување на страниците на ЕМИТЕР кои следуваат.

Еден од начините за регулација на моќност кај потрошувачите кои работат на мрежен напон е регулацијата со '"отсекување"' на синусоидата на мрежниот напон. Во овој текст ќе бидат изнесени: принцип на регулација со отсекување, неколку решенија и една конкретна реализација на коло со тријак со кое ќе можете да ја регулирате моќноста на некој греач, светилка или колекторски AC мотор...

Во овој проект е претставен едноставен тајмер кој може да се конфигурира да работи во неколку режими на работа, што ги задоволуваат најголемиот број од барањата кои може да се постават пред ваков уред. Тајмерот е изработен со употреба на интегралното коло CD4541, кое во себе ги содржи најголемиот дел од потребните елементи за изработка на овој уред...

Недостигот на мрежно напојување најчесто се чувствува при кампување, поправка на автомобилот на пусти места, при пикник или забава во природа. Во некои случаи, мрежното напојување може единствено да биде овозможено до оддалеченото место преку многу долг кабел, начин кој понекогаш е опасен или едноставно невозможен. Како и да е, планирано или неочекувано, добро е да се има инвертор на напојување способен за трансформација на напонот од 12 V од автомобилскиот акумулатор во наизменичен 230 V.

Мало невнимание и електричен удар со трагични последици! Дали можеше да се избегне? Како делува електричната струја на човечкото тело? Ако тоа го дознаете, може да бидете повнимателни со електричните апарати или со електричната мрежа. Затоа прочитајте го овој напис, но и следните продолженија...

Еден од основачите на ИТ-гигантот Интел (Intel), Гордон Мур (Gordon Moore), при една јавна трибина има изјавено дека работниот такт на процесорот се дуплира приближно на секои 18 месеци. Но дали тоа значи дека и вие треба редовно да ги менувате "домашните миленичиња" или во најмала рака да вложувате средства во нивна надградба, со цел да се добијат подобри перформанси? Во секој случај, добра практика, но не и задолжителна.

Денес на пазарот за електронска опрема можат да се најдат повеќе видови на преносни медиуми за чување на податоци. Од веќе застарените касети, компакт и ДВД-дискови, па сé до засега најновите интегрирани мемориски медиуми, или народски кажано мемориски картички.

Иако многумина предвидуваат стагнирање на развитокот на џебните компјутери, објавувањето на Windows Mobile 5.0 посочува на нешто спротивно и јасно дава до знаење дека оваа индустрија има силна поддршка од еден од највлијателните ИТ-гиганти.

Постои ли вештачка "сива маса"? Постои ли вештачка свест? Ајде да бидам малку попрецизен, може ли да постои машина која може да мисли, одликувајќи се со интелигенција слична на човечката? Ова се можеби прашањата кои длабоко го мачат човештвото, а многубројната научна популација сé уште се обидува да ги разреши мистериите, а и понатаму ќе продолжи. Впрочем, науката деноноќно открива нови научни простори.

Објектив што фокусира и зумира, а нема подвижни механички делови! Ова револуционерно откритие ќе биде употребено во ултракомпактните дигитални фотоапарати, но уште повеќе, во милиони и милиони мобилни телефони со вграден дигитален фотоапарат/камера. Новиот зум-објектив ќе биде многу поевтин од класичниот, на општа радост на купувачите. А како нема да биде евтин кога е направен од обична вода! Вода?! Да, H2O - чиста, изворска, негазирана! За зимска употреба, сепак, е неопходен и антифриз.

Последната декада се одликува со посебен напредок во системите за детекција, компјутерската технологија и научните подобрени познавања на физиката, врз основа на која лежат различни типови на метеоролошки феномени.
Временските прогнози и известувања, особено за силните бури и други екстремни временски услови, може да се сметаат за едни од најважните придобивки на метеорологијата...

Денес, кога изборот на материјали за уредување на ентериери е огромен и кога многумина се поклоници на паролата "направи сам", сакаме да ви посочиме уште еден интересен материјал за вештачките камења (кои ја даваат истата убавина и топлина на вашиот дом како и природните) и да ви помогнеме во нивниот избор и примена...