Недостигот на мрежно напојување најчесто се чувствува при кампување, поправка на автомобилот на пусти места, при пикник или забава во природа. Во некои случаи, мрежното напојување може единствено да биде овозможено до оддалеченото место преку многу долг кабел, начин кој понекогаш е опасен или едноставно невозможен. Како и да е, планирано или неочекувано, добро е да се има инвертор на напојување способен за трансформација на напонот од 12 V од автомобилскиот акумулатор во наизменичен 230 V. Во овој напис ви нудиме проект за самоградба на еден едноставен инвертор со моќност од 200 W кој има заштита од куса врска на излезот, заштита од преголема температура и заштита од преголемо празнење на акумулаторот...