Омасовувањето на системите за контрола на стабилноста започнува во деведесеттите години на минатиот век. Бројната електронска логистика направи своевидна револуција во сигурноста и активната безбедност на автомобилите. Значително го олеснува управувањето со автомобилите во несакани ситуации и при лизгави подлоги, исправувајќи ги лошите проценки и грешките на возачот.

Влагата и ладното време во зимските месеци го ставаат автомобилот на најтежок испит. Возењето во зимски услови (минатата зима и кај нас после долго време можевме да се потсетиме што, навистина, значи тоа) е тешко и секоја грешка или неисправност на автомобилот скапо чини, во пари или нерви сеедно. Овде само ќе потсетиме на некои проверки што се стандардни преку целата година, но кои се особено важни во зима.

За потеклото на астрологијата. Постои ли корелација помеѓу зодијачките знаци и карактерот на новороденчињата? Имаат ли астролошките постулати основаност во гравитациското дејство на небеските тела? Вавилонските зодијачки знаци денес се неадекватни и без практично значење.

Кога DVD-форматот првпат беше зачнат, неговото име беше Digital Video Disc. Сепак, набргу потоа, тоа беше трансформирано во Digital Versatile Disc – диск за различни намени. Новото име имаше за цел да покаже дека DVD-то би требало да се користи како носач на поразновидна програма од медиумите за забава, вклучувајќи аудио/видео податоци и игри. Првиот DVD-формат што се јави на пазарот, DVD-Video, носеше филмови и музички видеа на диск со големина на CD.

Многумина од нас имаат современи калкулатори или т.н. џебни потсетници. Но, поголемиот дел од овие модели се продаваат без додатна опрема, особено оние поскапите. Во оваа прилика ќе прикажеме еден едноставен компјутерски интерфејс кој ќе ви овозможи моделите на производителот CASIO да ги поврзете на вашиот домашен PC.

Во случај кога разликата помеѓу влезниот и излезниот напон на некој стабилизатор на напон е голема доаѓа до големо загревање на серискиот транзистор. За да се одбегне ваквото преоптоварување на транзисторот, може да се направи стабилизатор со импулсен начин на работа, каде што серискиот транзистор не работи постојано туку импулсно.

За подобар ефект и сигурност во работата на вентилаторот од термоакумулациската печка потребено одржување. Искуството покажува дека еднаш на 2-3 години неопходно е негово комплетно расклопување и чистење на составните компоненти. Добивката е неспоредливо голема наспроти вложениот труд: поголем ефект и нечујност во работата, намалена можност за прегорување на навивките на моторот и намалено загадување на воздухот со прашина.

RAM меморијата претставува привремено место за сместување на податоците, која понатаму со големи брзини се испраќаат до процесорот, и обратно.

Како што на тетрадрахмите на Филип II во портретот на Зевс може да се препознае ликот на Филип, така и кај сребрените монети на Александар III Македонски во ликот на Херакле може да се препознае самиот Александар. Всушност Филип II и Александар III се првите владетели во Европа кои по примерот на персиските сатрапи (кралеви) ќе почнат на монетите да ги ставаат своите ликови, што ќе го следат и другите владетели по нив, сè до денес.

Иако на пазарот веќе се појави модел од истата серија само со назнака T68i кај кој се вклучени многу повеќе опции, ви нудиме краток осврт на моделот T68m кој ја навести оваа серија и го вивна конгломератот Sony Ericsson во врвот на листата на производители на мобилни телефони.

Приказ на воздухоплов заедно со земниот персонал, разни возила, алат за сервисирање и опслужување на воздухопловите, детали на отворени капотажи и поклопци на мотори и кабини, складишта за оружје, хангари и работилници, згоди и незгоди на теренот – сето тоа претставува вистинско искушение и врвен дострел што макетарите можат да го постигнат во својата определеност да ја прикажат реалноста во даден размер со сите атрибути што ја чинат.

Стариот грчки механичар Херон Александриски, пронаоѓачот на водоскокот кој што го носи неговото име, ни оставил опис за два духовити начини со помош на кои египетските свештеници го лажеле народот влевајќи му верба во чудата.

Со помош на оваа машина криминалистите денес можат во 90% случаи да откријат кога обвинетиот ја кажува вистината, а кога лаже. За преостанатите 10% главно виновен е еден закон