Иако капацитетот на модерните тврди дискови денес достигнува и до фантастични 1 TB, сосема е сигурно, со оглед на галопирачкиот развој на информатичката технологија, дека тој и понатаму ќе се зголемува. Но, јасно е дека вака големите тврди дискови мора да се поделат на партиции, со што ќе се зголеми нивната флексибилност, многу ќе се олесни средувањето и организирањето на разни типови податоци, како и нивна контрола или правењето на сигурносни копии.

Почитувани, пред вас е последното продолжение од серијалот написи за програмскиот јазик C++. Подолго време размислував како да го конципирам овој последен дел, дали да го затворам серијалот објаснувајќи за правилниот начин на кодирање и прагматичниот пристап кон решавање на проблемите, или да завршам со функциите. Сепак, се одлучив за функциите, последната нишка од структурното програмирање. Па да ги проследиме.

Екранопланите се бизарна мешавина меѓу авион и ховеркрафт. Нивната брзина е блиска на таа на авионите, а преферираната височина на летот е блиска на таа на ховеркрафтите. Првите екраноплани биле конструирани во Советскиот Сојуз, за време на Студената војна. За нивниот развој и нивната намена дознајте повеќе од овој напис.

Како што видовме во претходните два написи (ЕМИТЕР 6 и 7-8/07), едни од основните сензори кои се користат при електронското управување со моторот се сензорите за бројот на вртежите и аголната положба на работната оска (радилица, коленесто вратило, Crankshaft). Што сé кажуваат овие сензори на електронската контролна единица (ECU)? Зошто сé почнува од нив?

Според УНЕСКО, на планетава постојат околу 200 милиони часови снимени аудио-видеоматријали на лента . Оваа огромна архива претставува културно богатство и извор на документарен материјал за кој се интересира светот. За жал, магнетното снимање го завршува својот технолошки живот. Ако ништо не се стори за да се заштити, овој вреден архивски материјал ќе биде неповратно изгубен. Прочитајте за глобалното решение на овој алармантен проблем.

Од 30. ноември, па сé до 5. декември, компанијата "Sony", за прв пат во Софија (Бугарија), ги претстави најновите свои продукти и можности за забава. На 600 квадратни метри во центарот на градот оваа уникатна презентација беше едноставно насловена "Sony High Definition Show".

Овој едноставен електронски склоп, составен од две стапчиња од јаглен, 4 транзистори и 7 отпорници, пред сé е наменет за контрола на количеството на течноста за кочници и водата за миење на ветробранското стакло во вашиот автомобил, помагајќи вашата заборавност да се држи за узди. Меѓутоа истото коло може да се искористи секаде каде што е потребна сигнализација за нивото на некоја течност.

Индустрискиот развој, а, пред сè, развојот на електрониката, телекомуникациите и информатиката придонесоа на пазарот да се појават нови понапредни технологии кои овозможуваат пренос на аудиовизуелните медија-сервиси до корисниците. Од мноштвото на нови идеи и експериментални обиди, неколку нови технологии го издржаа притисокот на пазарот и стануваат сè поприфатени од публиката (јавноста).

За индикација на мрежниот напон од 230V во електронските кола, честопати се користи стандардна тлеалка. Обично таа естетски не се вклопува во предниот дел од плочата или зазема релативно голем простор, во случај ако се работи за минијатурен електронски уред. За да се избегне тлеалката во ваков уред, во понатомашниот текст ви нудиме едно едноставно, но успешно електронско решение.

Некогаш се јавува потреба да се поврзат два или повеќе монитори на еден компјутер и нивна истовремена визуелизација. Решението е хардверско, со едноставно приклучување на едноставна "електроника" на излезот за VGA монитор на компјутерот, се добиваат два излеза за монитор. Со мултиплицирање на истото решение, може да се прошири бројот на приклучени монитори. Уредот поддржува приклучување на монитори од различен бренд и различна димензија на екранот (дисплејот).

Дел од своите размислувања за иднината Волво ги прикажа и преку концептната верзија на својот најмал автомобил, моделот C30. Освен флексибилниот бензински мотор, кој може да користи бензин или етанол како погонско гориво, трите часа полнење на литиум-полимерските батерии за напојување на електромоторите (во секое тркало по еден) се доволни за автономија од 100 километри. Пазарна промоција на овој автомобил, доколку сé оди како што се планира, може да се очекува веќе следната година.

Ова е нашиот краток водич за астрономи-аматери. Дознајте што, каде и како ќе можете да набљудувате со помош на голо око, обичен двоглед и аматерски телескоп. Овој месец ќе помине во знакот на Марс и Месечината.

Високото ниво на сигурност при работата и одличните перформанси при работа на различни платформи, се едни од главните карактеристики на модерните матични плочи. Gigabyte GA-P35-DDS3R Intel Express, чија основа претставуваат Intel P35 Express и ICH9R чипсетови, е типичен пример на една ваква матична плоча.

Тастатурата Logitech G15 првенствено е наменета за играчката популација, но таа сигурно би претставувала одличен избор и за кој било друг корисник. Нетипичниот дизајн, нежното сино заднинско светло и интегрираниот LCD екран се карактеристики кои на оваа несекојдневна тастатура и даваат посебна атрактивност и се очигледен знак за повратна спрега (feedback) со побарувањата на корисниците.