Препознавањето е едно од основните својства на човекот. Тоа е својство и на компјутерот. Додека човекот сосема лесно ги интерпретира црните и белите полиња на хартијата како букви, линии, форми, за компјутерот тие и понатаму остануваат само низи од единици и нули во неговата  меморија. Екстрахирањето на основните информации од низата единици и нули во компјутерската меморија и нивното претставување и интерпретација во форма соодветна за понатамошна обработка со компјутер се сведува на проблемот на препознавање облици (примероци). Ова е посебна гранка од информатиката и со неа ќе ве запознаеме преку оваа серија на написи.

Речиси секое дело во научната фантастика може да се смести во две, три, па и повеќе теми. Ова се должи на тоа што нема изолирани појави, па кога ќе се спомене една неизбежно е да се спомене и друга тема. Токму затоа, секоја дискусија за темите е мошне неблагодарна работа. Сепак, во глобала, тематиката во научната фантастика може да се подели во две основни групи – екстровертна и интровертна – кои понатаму се расчленуваат на соодветни подгрупи. Во овој напис ги разгледуваме интровертните теми во SF-от.

Гитарските педали-ефекти отворија врати на неочекувано голем број различни начини за музичка експресија. Напредокот на дигиталната и компјутерската технологија ни овозможија сите тие аналогни ефекти да се достапни во форма на специјализиран софтвер, со кој практично се отвора бесконечно широко поле за разни дигитални гитарски ефекти, особено во студијата за снимање. Сепак, гитарските ефекти – педали во физичка форма сè уште се незаменливи кај гитаристите, сеедно дали се реализирани со аналогна или дигитална електроника. Во ова трето продолжение од серијата за гитарските ефекти ќе ги обработиме ефектите базирани на доцнење на сигналот: Reverb, Delay, Flanger и Chorus.

Историјата на овој авион започнува како ловец P-80 Shooting Star, кон крајот на Втората светска војна. За жал, заради своите релативно скромни перформанси во споредба со конкуренцијата (Gloster Meteor, Me-262 и особено во споредба со Миг 15 во Корејската војна), тој не ги исполни очеку­вањата во оваа област. Што да се прави со готов авион? За среќа, во моментот постоеше силна потреба од школски авиони за преобука на пило­тите од клипна во млазна авијација, па компанијата Lockheed реши несудениот ловец да го реконструира и од него да нап­рави тренажен авион.

Ова е последното продолжение од серијалот за модификации и подобрувања на некогаш славните југословенски звучници кои се продаваа заедно со исто така славниот рисивер HSR 140 (подоцна HSR 160). Досега модифицирав и подобрив три варијанти на овој звучник што имаа еден нискотонец од 30 cm (12 инчи). Во ова продолжение ќе ја модифицирам варијантата со два нискотонца од 20 cm (8 инчи) – подобрувањата се спектакуларни, со само мали промени во свртницата на звучникот.

Дали на вашата организација и треба понапредно решение за детекција и одговор на закани? Дали на вашата организација и треба XDR?

Едноставен водич за инсталирање и нагодување на RAM со помош на XMP.
Иако можеби ќе паднете во искушение да купите две нови парчиња од најновата DDR4 RAM меморија за да ги обезбедите придобив­ките од надградбата и нивното работење на 3200 MHz, има неколку работи што мора да ги земете предвид...

Во Првата светска војна, авионите на почеток служеле за извидување, па некој прв пукнал со пиштол по непријателот, па потоа уследило вградување на  тешко воружување, пушки, митралези, бомби итн. Сличен е и развојот на дроновите. Од обични радиоуправувани модели (беспилотни летала), се претворија во извидувачи и подоцна и во убијци, односно средства за уништување жива сила и техника. Опремени со моќни ракети воздух-земја, воздух-воздух и друго вооружување, тие се претворија во тивки убијци.

Комбинирањето на две 40V XGT батерии во рамките на еден уред овоз­можува импресивни 80V. Со ова се пос­тигнува поголема мобилност на без­жич­ните алатки на MAKITA, како и доволно голема моќност за извршување на тешки и напорни работи коишто побаруваат големо оптова­рување од нив

Убава вест за љубителите на малку поинаква аудио опрема. Во јануари оваа година во Скопје во близина на железничката станица се отвори нов дуќан за продажба на аудио засилувачи, исклучиво изработени со електронски цевки, или како што на шега сопственикот знае да каже – “бутик за лампаши”. Сопственик на овој занаетчиски дуќан е Владимир Симеонов, електроинженер од Скопје, познат во музичките кругови како дизајнер и производител на гитарските засилувачи ВЛАД, кои беа доста популарни во првата декада од овој век, поготово кај гитаристите ориентирани на клубски свирки.

Што се тоа плочки со печатени кола, какви видови има, од какви материјали се изработуваат, што значат изразите и кратенките пертинакс, витропласт, стаклолит, FR2, FR4, бакроперт, бакроглас, еднострано каширан, двострано каширан, ППК, PCB, THT технологија, SMT технологија... Сето ова електроничарите-почетници ќе го дознаат од оваа “лекција” во нашата Школа за електроника.