Tube Screamer TS808 од Ibanez е најпоз­натиот и најкористениот overdrive гитар­ски педал, воопшто. Неговото име доаѓа од фактот дека звучи како „лампашки” засилувач во клипинг. Tоа прекумерно заситување на ламбите звучи многу по­топло и помеко од изобличувањето што ќе го добиете при клипинг на засилувач со транзистори. Овој педал, освен допол­ни­телното изобличување, ги нагласува средните фреквенции давајќи повеќе attack на звукот.

Слушнете го Stevie Ray Vaughn и ќе до­биете прилично добра замисла за то­но­вите што можете да ги извлечете од овој педал! Погоден е за блуз и за целиот опсег на рок-музика, додавајќи класичен тон кој се карактеризира со дисторзија слична на лампашката, како и со долго и непречено одржување на тонот. Фрек­вен­цискиот одѕив е приспособен да ги на­г­ласи средните фреквенции, што по­ма­га да се задржи звукот на гитарата над општата мешавина од звуци во бендот.

Шемата е релативно едноставна и е лесна за изработка. Колото е дизајнира­но во 1979 година од Сусуму Тамура, јапонски инженер кој работи за Nisshin Onpa/Maxon, производител на уредите за Ibanez. Успехот на овој педал се должи на интелигентниот избор на концептот за дисторзирање, во облик на фреквенцис­ки селективен soft clipping добиен преку неинвертирачки операциски засилувач со две антипаралелни диоди во негатив­ната повратна врска, обликуван со два RC-филтра. Педалот има три потенцио­метри: Overdrive (количина на изобличу­вање), Tone (тонска контрола, најмногу на високите) и Volume (ниво/јачина на излезниот сигнал).

Поради успехот на педалот, во текот на годините објавени се неколку верзии и реизданија (особено е популарна TS9), со мали варијации на колото. Овој про­ект е фокусиран на првиот дизајн, кој се смета за „најисправен”: Ibanez Tube Screamer TS808.