“Затоа што и покрај застарената тех­­нологија, високата цена и сите оста­­нати негативни особини, старата добра елек­тронска цевка, која патем, оваа година “прослави” 118 години постоење, никако да излезе од мода”, вели Владимир. “Слично како и грамофонската плоча. Електронската цевка не се користи са­мо кај гитарските засилувачи, и кај ег­зотич­ните хај-фај системи, заради спе­цифичната дисторзија што ја произ­ве­дува, туку и во студијата за снимање музика. Денес едно музичко студио не се смета за сериозно ако нема микро­фони со вградена лампа, потоа компре­сори, микрофонски предзасилувачи и останати “улепшајзери” за продукција на музика.”

President Audio EL84 Push-Pull

Засилувачите Президент Аудио (Pre­sident Audio) се изработуваат во Маке­донија, без користење на печатена плоч­ка (освен напојувачкиот дел), и најчесто користат цевки од постаро произ­водс­тво, заради своите супериорни карак­теристики во однос на новопроизве­дените. Рачната изработка под­раз­бира лемење на сите компоненти директно на лежиштата од цевките заради подобар звук и поголема безбедност заради висо­ките напони присутни во колата. Во мо­ментов во понудата на Президент аудио има 5 стандардни модели, но по нарачка се изработуваат и предзасилувачи и засилувачи, доколку клиентот знае точ­но што сака и ако се деловите достапни.