Star Wars: X-Wing претставува серија видеоигри од типот вселенски летачки си­мулатор со тема од медиумската фран­­шиза Star Wars. Играта го симулира искуството на пилотски вселенски дуели и битки, притoа останувајќи верна на замислениот филмски свет. Играчот ја презема улогата на пилот од Бунтов­нич­киот сојуз, а во подоцнежните игри и на пилот од Галактичката империја. За успешно да ја завршат играта, играчите мора да комплетираат неколку мисии – ед­ноставни пилотски дуели против спро­тивната страна, извидувачки и инс­пек­цис­ки задачи, да пружат заштита за то­вар­ните или матичните ѕвездени бро­до­ви што ги придружуваат, или да из­вр­шат напад врз поголеми ѕвездени бро­до­ви од спротивставената страна и да ги уни­ш­тат. Освен што пилотските дуели гра­фич­ки и концептуално налику­ваат на ле­теч­ките дуели на пилотските асови од Пр­вата светска војна, игрите нудат и вис­тин­ски предизвик за пилотот поради тоа што тој истовремено треба да води смет­ка и за ресурсите со кои располага – енергија, муниција и слично – но и за него­виот со­борец, односно пилот-придружник.

Следејќи ги новите трендови во елек­трониката и воден од желбата да изработам нешто ново, се одлучив да ја изработам играта во форма на рачна видео конзола која во основа се состои од Arduino Nano, прекинувачки тастер и OLED дисплеј.