Тргнувајќи од постулатот дека секој на свој начин придонесува во развојот на автомобилската индустрија, браќата Мишлен, во овој контекст, имаат значајна и непроценлива улога. Навидум наједноставните нешта, всушност, знаат да бидат најтешки и најнезгодни. Таков е примерот и со тркалата, а еден од неговите делови е пневматикот. Денеска како да се навикнавме да гледаме на тркалото како на нешто само по себе зададено, незнаејќи дека пневматикот е исклучително важен дел на автомобилот.

Франција, како земја со развиена воздухопловна индустрија, во периодот меѓу двете Светски војни произвела голем број модерни борбени авиони. Понатамошниот развој на нови типови авиони бил запрен со брзиот пораз на Франција во Втората светска војна. Сепак, француските авиони одиграле значајна улога во неа и тоа како на страната на Сојузниците, така и на страната на Оската и на неутралните земји.

Пред 500 години морепловецот Фер¬динанд Магелан, за време на своето историско патување околу Зем¬јата, со својот дурбин набљудувал на небото еден темен објект кој му бил сопатник во ноќта.

Серијата m3i на компанијата Mission содржи вкупно 10 модели на звучни кутии наменети за меѓусебна комбинација за добивање сараунд комплет, но голем дел од нив е наменет и за вклопување во системите за класична стереорепродукција. Изборот е навистина голем, потребите исто така, па...

PC дигиталниот потенциометар е уред кој на својот излез ја менува својата отпорност во 256 нивоа. Промената на отпорот ќе можете да ја вршите преку програма на вашиот компјутер. Овој уред во склоп со други кола може да се користи за промена на фреквенција на осцилаторно коло, промена на јачина на светлина, промена на јачина на звук.

Електролитските кондензатори се зачудувачки компоненти, создаваат многу проблеми, а сепак се неопходни за речиси секое електронско коло. Ги има, како што видовте и во прак¬тичните примери што до сега ги предлагавме за градба. Ако ги користевте со мала или нешто поголема недоверба кон нешто што не ви е познато, сега детално ќе ве запознаеме со нивната функција, нивната градба и другите аспекти на нивната практична примена.

На 27.07. оваа година во н.м. Кадино, општина Илинден, во упо�треба е пуштена "Вила Марковски" - првата еколошка и енергетски независна куќа во Македонија. Во оваа куќа практично се применети сите стручни знаења на инвеститорот и носителот на проектот, СИЕТО д.о.о од Скопје, за искористување на сонцето и ветерот како алтер�нативни извори на енергија.

По традиција, секоја нова верзија на еден од најкористените софтверски пакети Microsoft Office е проследена со голем интерес како од експертите кои "со душа чекаат" да ги напишат критиките за новата дистрибуција, така и од корисниците кои се гладни за нови иновативни решенија во алатките "за секојдневна употреба" кои се дел од популарниот Office paket.

Како што и е ред, веднаш по излегувањето на најдоброто од погоните на nVIDIA, односно графичката картичка nVidia GeForce 7950 GX2 со два графички процесора, компанијата ATI одговори на предизвикот од конкурентот многу бргу, со пуштање на пазарот на графичката картичка ATI Radeon X1950 XTX. За прв пат на пазарот се појавува графичка картичка која користи GDDR4 мемориска технологија. ATI останува на висината на задачата и нуди многу за релативно помала цена од конкурентот.

Дали се сеќавате кога последен пат сте биле полни со енергија? Секако, тоа било кога сте биле на планина, крај море, езеро или река, или, пак, крај некој водопад. Зошто? Еве за што станува збор: овие опкружувања, всушност, се вистински природни извори на негативни јони, а тие се многу поволни за здравјето и биохемијата на човечкиот организам. Нормална концентрација на негативните јони во свеж воздух во природата изнесува 2 - 4 илјади во кубен сантиметар.

Во потрага по природата на масата на телата, физичарите разработуваат теорија според која масата е продукт од интеракција на стандардните елементарни честички со еден нов вид поле т.н. "Хигсово" поле. Ако теоријата биде експериментално потврдена со детекција на нов вид елементарни честички, "Хигсови" бозони, тие би можеле да бидат решение за таинствената структура на егзотичната темна материја во вселената.

Покрај внатрешноста на кабината (кокпитот), која беше тема во еден од минатите броеви на ЕМИТЕР, како внатрешни делови во една макета најчесто се јавува стојниот трап и неговите куќишта, се разбира, доколку се работи за стоен трап којшто се вовлекува во трупот или крилата на воздухопловот. Како и кабината, стојниот трап може да биде затворен, доколку макетата ја поставиме на сталак, или отворен, доколку макетата ја изработиме со отворен стоен трап и поставена на подлога.