По традиција, секоја нова верзија на еден од најкористените софтверски пакети Microsoft Office е проследена со голем интерес како од експертите кои "со душа чекаат" да ги напишат критиките за новата дистрибуција, така и од корисниците кои се гладни за нови иновативни решенија во алатките "за секојдневна употреба" кои се дел од популарниот Office paket. А креативноста на инженерите на Мајкрософт (Microsoft) и во оваа последна верзија со кодно име "12" е на високо ниво со што се задржува тенденцијата секоја нова верзија на Microsoft Office со себе да носи револуционерни промени на полето на алатките за канцелариска работа. Сето тоа ние го искусивме од прва рака, благодарејќи на ажурноста на локалното претставништво на Мајкрософт кои неодамна до нашата редакција ја доставија Бета 2 верзијата на нивниот производ.