4 јули 2012 е запишан со златни букви во физиката. На тој ден конечно е решена 48 години старата претпоставка за постоењето на Хигсовиот бозон, или таканаречената божја честица. Денес научниците веќе не се прашуваат за нејзиното постоење туку дали презентираното откритие ќе предизвика промени во Стандардниот модел на елементарни честици, па дури и промена во нашето поимање за создавањето на универзумот воопшто.

Во претходниот напис ние се запознавме со некои толкувања во врска со прашањето што е тоа време и видовме дека најдоброто толкување произлезе од физичарите, според кои тоа е екстрадимензија во простор-временскиот континуум. Но, го видовме и тоа дека времето ние го доживуваме како редослед на настани. Следната по ред тема за обработка, која е предмет на овој напис, е прашањето дали времето имало почеток и дали тоа ќе има свој крај.

Серво-уредите се автоматски електромеханички уреди, сервомеханизми, кои со помош на повратна врска и сензори за грешка ги подобруваат перфомансите на механизмот. Сервотестерот од нашиот проект има цел да ја провери исправноста на работата на серво-уредите. Практичната примена на серво-тестерот се покажа целисходна во тестирањето на сервомеханизмите за управување со работата на крилцата кои се вградени во воздухопловните модели.

Многу е битно да знаеме кое ниво на квалитет за најважните параметри, од аспект на експлоатација, го добиваме за производот што го купуваме. За автомобилските гуми, и нијансите во квалитетот се значајни и значајно ја менуваат сликата за безбедноста, економичноста и загадувањето од бучава. Всушност, во овој момент тоа се трите најзначајни критериуми за кои е задолжително да се истакнат нивните оценки на посебна етикета, со што значително се олеснува одлуката на купувачот при изборот на автомобилските гуми.

Иако првично планирав овој напис да содржи само две продолженија, сепак, на барање на читателите, одлучив да го подготвам и ова, трето продолжение. Во него ќе бидат опфатени темите кои беа побарани: амперметар и волтметар со еден индикатор, аналоген VU-метар и пик-метар, како и баждарење и калибрирање на аналогните инструменти.

Антивирусните програми овозможуваат есенцијална заштита на компјутерот од вируси, тројанци, црви, spyware и adware програми и низа други кои можат да направат непоправлива штета. Времето кога разликата во ефикасноста и функционалноста на различните антивирусни програми беше очигледна, одамна помина.

Ова лето се навршуваат точно 110 години од конструкцијата на првиот модерен клима уред. Од неговата промоција до денес клима-уредот прерасна од предмет на луксуз во вообичаена потреба, уред којшто се наоѓа во речиси секој дом, барем кај нас каде летата во последниве години се се пожешки и пожешки. Од друга страна, може ли да замислите како би ја чувале храната на високи температури ако не постојат фрижидери? Можете ли да го замислите животот без сладолед, свеж зеленчук или ладна кока кола?

Како дел од проектот на Владата на Република Македонија за опремување лаборатории од областа на техничко-технолошките науки, оваа година успешно се изврши и инсталацијата на најмоќниот компјутерски систем на овие простори. HPC-системот имплементиран на ФИНКИ е дизајниран од најголемиот производител на ИТ-опрема во светот Хјулит Пакарад - HP. Основа на нашиот суперкомпјутер се 84 сервери HP Proliant BL2x220C G7, со вкупно 168 процесори, односно 2016 процесорски јадра.

Врвното задоволство никогаш не било евтино, па зошто би било и во овој случај. За 240 евра се добива MSI Z77 GD80, топ-модел на матична плоча, на која е вградена сета егзотика која постои во моментов.

HP TopShot LaserJet Pro M275 е добро решение за мали и средни бизниси. Мрежно поврзување, квалитетен отпечаток и тродимензионален скенер кој процесот на фотографирање и препраќање преку имејл го сведува на два-три едноставни чекори.

Ова лето се навршија 35 години од лансирањето на вселенските летала Војаџер 1 и 2 и почетокот на нивниот пат во просторот. Познати примарно по податоците што ги носат за нашата планета, овие сонди станаа дел од модерната поп-култура, појавувајќи се како инспирација во многубројни научнофантастични книги, па и филмови од 80-тите и 90-тите години на минатиот век, каде е прикажан "првиот контакт".

Дека најголемата Сатурнова месечина, Титан, во своите поларни региони содржи езера од течен метан, се знаело од порано. Но, во најново време истражувачите утврдиле такви езера и во "тропскиот" регион на Титан. Тоа е можеби клучното сознание, кое може да ја одгатне енигмата за начинот на појавата на живот на нашата планета!

Во периодот 25 – 29 јуни на Факултетот за електротехника и информациски технологии (ФЕИТ), Институтот за електроника ја организираше летната школа. "Дизајн на вградливи микрокомпјутерски системи 2012" на тема "Енергетска пресметливост". Ова е трета година по ред како се организира школата и таа привлекува сè поголем интерес кај студентите.

Во однос на некои други макети, изработката на макета на авионот МиГ–21 бара малку поголемо внимание, поради цилиндричните и конусните делови, но затоа, пак, задоволството од изгледот на готовата макета ќе биде поголемо. За историјата и карактеристиките на авионот МиГ–21 подетално можете да се информирате во ЕМИТЕР 3/07.

При обработка на елементи од дрво мошне често се среќаваме со најразлични предизвици и проблеми. За решавање на овие предизвици потребна ни е пред сè квалитетна опрема со повеќе опции и можности, а кога станува збор за прецизност во работењето тогаш несомнено треба да се размислува за фиксен циркулар на вашата работна маса. Токму вашите професионални барања и горенаведени услови при обработка на дрво ќе ги задоволи циркуларната пила MAKITA LH 1200FL.

Ако имате потреба да го контролирате нивото на течност во некој резервоар, тоа можете да го правите електронски со овој склоп, кој лесно можете сами да го изградите.