Пред некоја година, во жолтиот печат се пронесоа гласови за наводно сигурни предвидувања за неминовна глобална катаклизма која ќе ја зафати целата планета на 21.12.2012 година. Оваа масовна хистерија достигна светски размери и се прелеа и кај нас, па затоа одлучивме да направиме серијал во кој детално ќе ги разгледаме сите аспекти на овие наводи за блиската апокалипса. Серијалот е конципиран во облик на полемика – од една страна е најпознатиот македонски истражувач на мистериите, господинот Стојмир Симјаноски, а од другата страна е "дежурниот скептик", resident science DJ Владимир Филевски. Се надеваме дека овој динамичен облик на презентација и атрактивната тема ќе побудат голем интерес кај читателите. Ги охрабруваме читателите активно да учествуваат во оваа полемика – сите нивни размислувања се добредојдени во рубриката Писма.
Во ова продолжение ќе разгледаме некои опасности кои можеби нè демнат од вселената – непоканети и несакани гости кои итаат да ја смачкаат нашата Земја.