Физика

Ако сакаме да бидеме сосема искрени, мораме да признаеме дека никој од физичарите ниту од филозофите не може да одговори на прашањето "што е тоа време и зошто тоа постои?" Според филозофите, времето е илузија на нашата свест, според физичарите тоа е екстрадимензија, а според нашето искуство, времето ние го доживуваме како редослед на настани. Во овој напис ќе зборуваме токму за темата "што е тоа време", гледано од различни аспекти.


Електроника

Слушалките најчесто се напојуваат со аудиосигнал од неадекватни засилувачи, ставени во аудиоплеерите "колку да ги има". Резултатот е квалитет на звукот под просекот. Затоа одлучивме да направиме висококвалитетен засилувач со интегрираниот засилувач TDA1308, специјално наменет за слушалки.


На граница на науката

Пред некоја година, во жолтиот печат се пронесоа гласови за наводно сигурни предвидувања за неминовна глобална катаклизма која ќе ја зафати целата планета на 21.12.2012 година. Оваа масовна хистерија достигна светски размери и се прелеа и кај нас, па затоа одлучивме да направиме серијал во кој детално ќе ги разгледаме сите аспекти на овие наводи за блиската апокалипса.


Електроника

Пред вас е совршена комбинација на два електронски уреда за откривање дефекти во радиоприемниците и во нискофрекфентните засилувачи, сигнал-трасер и сигнал-инјектор, во една кутија. Едноставен уред за генерирање и мониторирање сигнали, а неопходно потребен во секоја сервисна и хоби-работилница.


Информатика

Пред нас е седмата верзија на пакетот Internet Security, која носи низа новини во однос на претходната верзија. Збирот од нови опции и подобрувања придонесоа за севкупен многу добар впечаток и оправдување на довербата на корисниците кон чешкиот производител. Сепак, за целосна десетка и препорака треба да се отстранат воочените недостатоци.


Електроника

Во изминатите 4 продолженија, се обидов да ве воведам во светот на симулацијата преку анализа на можностите на извонредниот LTspice. Но електрониката со сета своја сложеност секогаш се сведува на практика, па затоа во ова последно продолжение ќе обработам два практични примера со надеж дека тоа ќе ве поттикне да продолжите да ги усовршувате вашите вештини на ова поле.


Аудио и видеотехника

И најдобро снимениот видеоматеријал нема никаква вредност ако не го придружува квалитетен звук, а тоа го овозможува надворешен правилно избран микрофон. Се разбира, покрај добриот микрофон потребен е и соодветен придружен прибор како што се стативи, батерии, светла и филтри, сите во името на подобро видео. Иако секој од овие предмети е голем плус за вашиот видеокомплет, изборот и користењето на вистинскиот микрофон за вашите видеопродукции е исклучително важен.


Автомобилска техника

Првиот македонски картинг ТоГи 2 е произведен во Охрид во 2005 година од браќата Томе и Григор Скендеровски во фирмата "СИМКО" во нивна сопственост. Првиот произведен картинг, по успешните проби, беше претставен во Скопје на МАКИНОВА 2005, а потоа во 2006 г. произведени се уште три идентични примероци и започна нивната експлоатација на картинг патеката кај хотелот Еуротел – Струга. Ќе го претставам овој, по многу нешта, прв и единствен целосно македонски производ од светот на моторните возила кој на сите нас ни покажа дека Ние можеме.


Телекомуникации

Моментално три уреди се наоѓаат на топ-листите низ светот како врвни смартфони кои со своите перформанси и најнова технологија дури почнуваат да ве "слушаат" кога зборувате. Еден од овие три телефони е HTC ONE X кој за конкуренти ги има Samsung Galaxy III и Apple 4S. Дали е подобар од нив? Продолжете да читате и ќе дознаете.


Астрономија и астронаутика

Според најновите сознанија, во обвивката на Месечината е содржана вода во количество споредливо со количеството вода во обвивката на Земјата! Тој неочекуван наод е во спротивност со општоприфатеното сценарио за потеклото на Месечината од удар на астероид во Земјата, со импликација дека Месечината се формирала како наполно "суво" тело!


Информатика

Ако хардверот е важен дел на кој треба да обрнете внимание при набавката на нов таблет, секако дека оперативниот систем кој доаѓа со него е уште побитен, па може да биде дури и решавачки фактор при вашиот избор. Имајќи го ова предвид, во следниов напис ќе разгледаме неколку различни оперативни системи кои таблетите најчесто ги користат како софтверска платформа.


Телекомуникации

Заборавете на турските серии. Милионите долари приход и исто толку задоволните корисници, секојдневно докажуваат дека нема промашување кога се работи за Galaxy серијата на Самсунг. Љубителите на брендот не останаа рамнодушни ниту со најмалиот претставник од серијата со име Мини, кој треба да ни покаже дали во стварноста е поголем од своето име.


Автомобилска техника

Обично Opel Astra е голем играч, како на нашиот така и на европскиот пазар, па затоа и не треба да нè изненадува големата заинтересираност за специјалната перформанс – изведба позната под ознаката OPC. Новата Astra ќе биде најсилната некогаш произведена, што ни кажува дека ниту вие нема да останете рамнодушни да дознаете што сè ни носи таа.


Автомобилска техника

Задолжително е потребно одвреме-навреме визуелно да ги проконтролираме гумите на нашето возило. Посебно треба да обрнеме внимание на газниот слој од аспект на неговата истрошеност. Ако е рамномерно истрошен, нема потреба од грижи. Доколку, пак, забележиме нерамномерна, т.е. невообичаена истрошеност, тогаш тоа е знак за тревога и за брза реакција. Написов ќе ве запознае со тоа како да препознаете нормално од ненормално трошење на автомобилската гума и како да се постапи во тој случај.


Електроника

Аналогните инструменти сè уште имаат широка примена во електрониката и во другите технички области. Главната причина за ова се човековите аналогни сетила, како и тоа што во многу случаи нема потреба од прецизно мерење на напонот и струјата. Во првиот дел од овој напис објаснивме како да ги измерите карактеристиките на непознат аналоген индикатор и како да пресметате и да направите DC волтметар со мерно подрачје според вашите потреби.


Електроника

Повеќето пасионирани велосипедисти сигурно барем еднаш помислиле дека би било навистина згодно на нивниот веслосипед да имаат некој вид вградено напојување со помош на кое би можеле да го полнат својот мобилен телефон, mp3 плеер или навигациски уред. Колото кое ќе го опишеме тука ќе ви прикаже како на едноставен начин да го остварите овој уред со употреба на велосипедско динамо и прекинувачки регулатор.


Аудио и видеотехника

Минатиот месец компанијата LG Electronics (LG) во Монако го претстави најголемиот и најтенкиот OLED телевизор на светот, со што отвори нова ера во индустријата на потрошувачката електроника уште од телевизорот во боја па наваму. Новиот LG OLED телевизор поседува екран со дијагонала од 55 инчи, чиј квалитет на прикажување на сликата ќе ги остави без здив сите корисници.


Аудио и видеотехника

И со овој микрофон Shure ја продолжува својата професионална традиција да дава производ со одличен квалитет на пазарот за аудиоалатки. Но, според онаа познатата изрека "Колку пари, толку музика", овој микрофон со супериорен квалитет кој верно ќе ве служи долги години е нешто поскап. Тоа му е единствена маана!


Информатика

Трочлен тим од германската компанија Ubi Interactive од Минхен создал систем и софтвер со кои секоја површина може да се претвори во екран на допир (touchdcreen). Звучи неверојатно нели? И екипа на британското списание Wired не верувала, па затоа го посетила тимот на Ubi Interactive, со цел од прва рака да се увери дека ова е вистина.


Информатика

Сакате да патувате, но ви недостасуваат или пари, или пасош, или имате проблеми со виза? Не очајувајте, сè што ви треба е добра интернет-врска, стабилен интернет-прелистувач и пристоен монитор за да тргнете на пат околу светот. Ви претставуваме неколку интернет-страници кои нудат поглед од 360 степени на некои од најпознатите туристички локации.


Астрономија и астронаутика

Заклучокот од едно од последните меѓународни истражувања, кое го спроведе НАСА во соработка со повеќе меѓународни научни центри, вели дека судирите со гигантски астероиди, чија величина е колку онаа на астероидот кој ги уби диносаурусите, во минатото, пред повеќе милијарди години, биле почести отколку што тоа досега се претпоставуваше.


Астрономија и астронаутика

Кометите досега беа сметани како "валкани снежни топки" составени од јагленова прашина "заробена" во мраз, но лабораториските анализи на примероци од кометата Wild 2 донесени на Земјата покажале дека кометите имаат многу посложена хемиска структура, која не можела да се формира поинаку освен со долготраен хемиски процес во присуство на течна вода!


Информатика

Дводневната конференција CISCO EXPO 2012, која се одржа на 6 и 7.6 во хотелот Александар Палас, на едно место ги собра сите познати имиња од оваа област од земјава и од странство. Во фокусот на овогодишниот CISCO EXPO беа три главни теми: работење во облак (Cloud Computing), интелигентни мрежи и мобилност.


Омнибус

Во тек се уписите во средните училишта и на факултетите. Многумина си поставуваат прашања: Што да запишам, што да бидам, која професија да ја одберам? Притоа и не помислуваат дека според истражувањата дури 60 отсто од професиите во иднина ќе бидат професии и занимања за кои не сме слушнале! Заради развојот на технологијата, новите генерации ги очекуваат многу непознати занимања.


Информатика

Успешната премиера на најновите модели на HP на најголемиот технолошки саем во Шангај, НР Кина, беше повод за уште една успешна презентација, овој пат пред македонската публика.


Автомобилска техника

Форд разви робот-сензор со кој може да се измери човечкото доживување на допирот. Ова совршено помагало е незаменлива модерна алатка за управување со квалитетот на материјалите вградени во ентериерот на автомобилот, при што уште во фаза на протопип ќе се знае дали квалитетот на допир на материјалите ќе им се допадне на потенцијалните купувачи или не.


Металство и машинство

CNC струговите се нумерички машини кои имаат значајна примена во индустријата. Овие машини се карактеризираат со голема сложеност во нивната конструкција и во себе обединуваат повеќе видови технологии. Иако постојат различни изведби на овие машини, сепак одредени системи се среќаваат кај сите CNC стругови. Во овој напис ќе ве запознаеме одделно со секој од системите коишто го сочинуваат еден CNC струг.


Електроника

LED диодите се употребуваат во нормален случај како светлински емитувачи, но тие можат да се употребат и како фотосензори. Дури и само една LED диода може да ги извршува и двете функции: да биде светлински емитувач и светлински индикатор во еден ист склоп.


Електротехника

Убодната пила е незаменлив алат, како за професионална употреба така и за домашна употреба. Големиот дијапазон на примена на убодната пила го прави исплатливо инвестирањето во ваков тип алат, дури и во домашни услови. Оваа инвестиција станува уште поисплатлива доколку станува збор за алат од Макита, бидејќи убодната пила MAKITA JV 0600K се одликува со извонреден квалитет, прецизност, прегледност и лесно маневрирање при работата.


Омнибус

Најтенкиот смартфон досега;
Вселенскиот змеј означи нова ера во астронаутиката;
Добиена повторливост при изработка на едноатомен транзистор;
XLR – USB адаптер Shure X2u;
Новата серија печатачи од HP – LaserJet Pro 400 Printer M401;
Фордовата технологија за ограничување на брзината;
Monitor MR серија звучници од Monitor Audio;
Безжично полнење автомобилски батерии;
Планети кои ја преживеале смртта на нивната ѕвезда;


Писма
HHO генератор? Не е битно!
Не прикривајте!
Уште за далечинско вклучување на компјутерот