Заклучокот од едно од последните меѓународни истражувања, кое го спроведе НАСА во соработка со повеќе меѓународни научни центри, вели дека судирите со гигантски астероиди, чија величина е колку онаа на астероидот кој ги уби диносаурусите, во минатото, пред повеќе милијарди години, биле почести отколку што тоа досега се претпоставуваше. Истражувачкиот тим вклучува научници од Универзитетот Пердју од САД, Карловиот универзитет од Прага, Чешка Република, Опсерваторијата на Азурниот Брег во Ница, Франција и Академија Синика од Тајпеј, Тајван.