Се поставува едно на изглед логично прашање: која е потребата од преносникот (менувачот на брзини) во моторното возило кога и без него моторот испорачува вртливо движење и тоа во релативно широк дијапазон од околу 700 врт/мин, па сè до околу 6000 врт/мин. Потребно би било само да го пренесеме ова вртливо движење до погонските тркала и може да сметаме дека сме ја завршиле работата.

Феноменот црна дупка е многу необичен и бара знаења не само од класичната физика, туку и од теоријата на релативност на Алберт Ајнштајн и квантната физика. Црната дупка претставува објект кој е непоимлив за човековиот разум и во нејзината близина и внатрешност владеат толку екстремни услови што никому не би му препорачал да посети црна дупка.

Микротурбините се мали постројки за производство на електрична и топлинска енергија со моќност од 30-350 kW што може да работат на гасни или течни горива. Нивното инсталирање во комерцијални, деловни, индустриски или стамбени објекти на корисниците им овозможуваа самостојно да произведуваат квалитетна, доверлива, еколошка и пред сè евтина енергија.

Работите на вашиот компјутер, ви се брза, а компјутерот работи споро, се кочи и ви паѓа системот, а вашите нерви се при крај. Ова не се случуваше кога го купивте компјутерот, но сега, по неколку месеци компјутерот како да добил склероза. Не, нема потреба да се грижите. Со вашиот компјутер сè е во ред, но не и со оперативниот систем. Оперативниот систем Windows "благодарејќи" на господинот Бил Гејтс и неговиот Microsoft изобилува со пропусти и грешки.

Во информатиката постојат многу видови софтвери. Дел од нив се многу комплексни и вообичаено скапи, но многу од нив се мали, обично евтини или бесплатни, на сепак се многу корисни. Во овој напис ќе ви претставиме неколку од тие мали, но корисни програмчиња.

Пред да започнеме да зборуваме за воздухопловно моделарство, потребно е да научиме што е всушност воздухопловен модел, каква е таа направа и за што служи?
Воздухопловен модел е направа потешка од воздухот (аеродин) која може самостојно да лета, за разлика од балоните кои се полесни од воздухот и се нарекуваат аеростати.

Со воведувањето на електрониката и дигитализацијата многу аспекти во секојдневниот живот се олеснати. Заради овие причини се започнати и програми во кои 1/3 од опремата кај војникот на 21-виот век ќе биде составена од електронско/дигитални уреди. Армијата на САД, но и на другите членки на НАТО имаат започнато индивидуални програми за развој и опремување на своите војници со најсофистицирана опрема, со чија помош војникот како единка би имал поголема борбена моќ во сите временски услови.

Првиот обид човекот да ја измери големината на Земјата е направен уШте пред 2000 години. Резултатите на тој обид се вчудовидувачки точни, иако географијата во тоа време била на таков степен Што теШко може да ја наречеме дури и наука.

Зеленчукот кој што денес го одгледуваме во нашите градини е донесен од разни краишта на светот.
Многу малку го има оној со потекло од Северна Америка. На американските пазари зеленчук со потекло од тој континент, може да се сретне само топинамбурот и еден вид грав. Голема среќа е што зеленчукот донесен од другите краеви добро успева и може да се одгледува во сите градини ширум светот.

Генераторот на функции е еден од неколкуте задолжителни лабораториски уреди. Неговата основна намена е генерирање на сигнали со различни бранови облици, најчесто синусен, триаголен и правоаголен, кои понатаму се користат за побудување, испитување, тестирање и мерење на електронските кола. Во претходните две продолженија се запознавме со интегралното коло XR 2206 и ги анализиравме комплетните електрични шеми на сите степени и списокот на потребен материјал. Во ова последно продолжение ќе дадеме детален опис на изработката и постапките за нагодување на нашиот генератор на функции ЕМИТЕР FG-95.

Електронскиот гонг што ви го презентираме го добивме во кит форма (комплет делови со упатство) од скопската фирма "Е и П Електроника". Овој уред овозможува на вашето домашно ѕвонче да можете да поврзете два тастера. Покрај тоа ќе ви овозможи и лесно да откриете од кое место ви ѕвонат (доколку имате две влезни врати, а само едно ѕвонче).