Омнибус

Нови откритија во Скупи;
Џиновска ѕвездена фабрика;
Прво мерење на атмосфера надвор од сончевиот систем;
Rotel RCD-991;
Sony D-EJ925;
Забележан најсилниот сончев блескот;
Први детални информации за еден астероид;
Сепак нема чудовиште во Плавското езеро;
GPS Leica - систем 500;
Замена на автомобилски осигурувачи;
Сензуален филм;
Со магнезиум против стрес;
Црно-бело со колор;
Transmetea VS Intel;


Автомобилска техника

Во историјата на автомобилската техника постојат мал број на решенија кои предизвикаа толку многу контроверзни мислења, пофалби и критики како запчестиот ремен. Денеска тој се вградува во поголем број на автомобили (не само во високата класа), така што некои и не знаат дека вистинските автомобили никогаш и не се одрекнаа од проверениот синџир.


Аеронаутика

По Втората светска војна, како и останатите светски воздухопловни сили, и Советскиот Сојуз се впуштил во трката за што побрзо усвојување на млазната технологија и нејзина практична примена во новите повоени типови авиони. Така, во особено успешниот ловечки авион од воениот период, "Jakovlev Jak-3 (Jak-9)", е вграден германски турбомлазен мотор "Junkers Jumo 004B" од залихите на воениот плен, кој во тоа време веќе бил предвиден да се произведува во Советскиот Сојуз под ознаката "RD-10".


Астрономија и астронаутика

Астрономијата е една од најстарите науки-датира од античкиот период. Уште тогаш Хипарх ги класифицирал ѕвездите според нивниот привиден сјај во 6 категории (најсјајните 1- ва категорија, најслабите 6 – та категорија). Во овој напис даваме пресек на развојот на оваа наука низ вековите од тие најдамнешни времиња па се до денес и вклопувањето на современите квантни теории во неа.


Астрономија и астронаутика

Меѓународната вселенска станица (International Space Station - ISS) е еден од ретките позитивни примери на конструктивна соработка меѓу повеќе држави, со кој се докажува дека науката не признава граници и раздвојувања, а плодовите од добиените сознанија ќе ги вкусат сите луѓе на планетава. Оваа вселенска станица е најголемиот досега остварен цивилен меѓудржавен проект, во кој се опфатени 16 големи држави.


Аудио и видеотехника

Како што веќе беше објавено во нашето списание во текот на декември 2000 година во Младинскиот Културен Центар во Скопје се одржа презентација на аудио и видео опрема од неколку познати светски имиња чиј застапник за Македонија е фирмата VISION од Скопје.


Аудио и видеотехника

CD плеерите веќе подолго време претставуваат примарен извор на задоволството наречено слушање музика. Во продавниците за hi-fi уреди може да се најде голем избор на разни модели на CD плеери од различни фирми. Да речеме дека сакате да купите CD плеер со цена од околу 350 марки (180 евра) и продавачите веднаш ќе ви понудат барем 5 – 6 различни модели за таа цена. Но кој CD плеер да го одберете? ЕМИТЕР ќе ви помогне во тоа.


Електроника

Колку пати досега сте посакале да имате едноставен аларм кој би можеле да го сместите во вашите лични работи за да ве предупреди ако некој непоканет посака да ги „разгледа"? Постојат безброј начини за реализација на ваков уред, секој со своите предности и недостатоци. Во овој проект ви нудиме аларм што се активира со зголемување на интензитетот на светлината.


Електроника

Дали некогаш сте имале потреба во својот дом да вклучите или исклучите нешто додека сте отсутни од него? Колку пати сте посакале дома да имате топла вода за туширање кога ќе пристигнете од некое патување или после напорен ден на работа. Добро е доколку има на кого да му се јавите дома тоа да го обезбеди наместо вас. Но, што ако дома нема никој?! Во овој број ќе стане збор за една можност за далечинско управување на уреди преку телефонска линија.


Електроника

Овој аудиозасилувач е дизајниран како коло кое е предвидено за работа на низок напон. Засилувањето е внатрешно одредено и изнесува 20, кога нема поставено надворешни компоненти за одредување на засилувањето. Оваа изведба се употребува кога имаме потреба од уред со минимален број на надворешни компоненти.


Електроника

Пред некое време често се случуваше некому да дојде телефонска сметка од неколку стотици па и илјади германски марки, иако сопственикот на телефонскиот број не потрошил толку импулси. Штосот беше во тоа што некои луѓе во доцните вечерни часови ги отварале телефонските разводни кутии и на произволно избран телефонски број закачувале телефонски апарат (популарно наречен Beigebox) и бирале некој од броевите 0500XXXXX или некој интернационален број.


Електроника

Веројатно многупати сте се запрашале како може да направите добар но и евтин покажувач на напонско ниво. Интересно специјализирано коло за оваа намена е UAA 170. Доколку ја задржиме реалноста во поставувањето на барањата и имаме потреба од истовремено прикажување на два напона, веројатно ќе го сметаме за прикладно решението кое следува.


Електроника

Во мерната техника, посебно во делот за прикажување се јавува потреба за поместување на некои еднонасочни нивоа. За таа цел можеме да го искористиме поместувачот на еднонасочно ниво прикажан овде.


Историја и археологија

Оружјето претставува синоним за борба за опстанок на една нација, на еден народ, за своја самобитност и идентитет. Проучувањето на оружјето пронајдено со археолошките ископувања, сочуваното оружје во музеите, во илумираните црковни ракописи, хроники, фрескоживописите и иконографијата претставува непресушен извор за македонската историја.


Медицина

Болеста сида го потресе светот и го оттргна вниманието од една постара болест, која исто така се пренесува по сексуален пат, а според последиците може да биде многу опасна. Станува збор за хламидија. Хламидијалната инфекција е лесна за лекување, но по своите последици станува збор за сериозно заболување. Можно е да има долг период во кој болеста не се манифестира. Речиси 70% од жените можат да ја носат бактеријата со месеци, па дури и со години, без да знаат.


Медицина

Човечкото тело константно е под дејство на нападите од страна на слободните радикали. Слободните радикаи претставуваат високореактивни молекули кои се создаваат во организмот во текот на огромниот број биохемиски реакции кои се одвивааат како дел од нормалниот метаболизам на материите. Оваа количина на слободни радикали, организмот на здрава индивидуа која живее во здрава средина ја држи под контрола, недозволувајќи тие да предизвикаат поголеми оштетувања на организмот.


Телекомуникации

Новитет што од неодамна го плени потрошувачкиот пазар за мобилни телефони е SIEMENS-овиот мобилен телефон модел A40. Mоделот A40 беше претставен на последниот надалеку прочуен саем CeBIT во Хановер, Германија. На презентацијата, овој модел беше оквалификуван како мобилен телефон со модерен уникатен изглед и лесен за ракување.


Телекомуникации

Познато е дека радио брановите кои припаѓаат на повисоките фреквентни подрачја (VHF, UHF, SHF) не се одбиваат од јоносферата. Токму зарди тоа, не постои просторен бран со кој би можело да се овозможат врски на поголеми растојанија. Површинскиот бран од друга страна е многу малку изразен заради високите фреквенции. Кога станува збор за фреквенциите од наведените фреквентни подрачја, често се вели дека радио врска е можна во границите на оптичката видливост.


Фототехника

Ако некогаш ви се случило да ги подигнете своите фотографии од вашата локална фотолабораторија и потоа да се разочарате од нивниот квалитет, тогаш сигурно се прашувате кои се причините за тоа. Најдобар начин да ви помогнеме да го подобрите квалитетот на своите фотографии е да ги објасниме причините за најчестите грешки и да ги опишеме најважните функции кај малите компактни фотоапарати.


Екологија

Во написот што следи се презентирани податоци и информации за природните вредности и потенцијали на преспанскиот регион. Рамката за истражување ги опфаќа: потенцијалите на овој регион по однос на продукцијата на природни ресурси, начинот на нивното користење, состојбата со зачуваноста на природните вредности кај природните екосистеми, посебно биолошката разновидност и мерките кои се преземаат во прекуграничен контекст.


Макетарство и моделарство

Во овој напис ќе ја претставиме макетата на еден од првите советски млазни авиони, "Jakovlev Jak-15" производ на турската фирма "PM-Models", до пред некое време пакувана и дистрибуирана од британската фирма "Pioneer 2 models" се додека "PM-Models" не исфрлија на пазарот нова кутија...


Математика

Чувството на силно, индивидуално естетско задоволство потекнува од феноменот дека може да се стави граница меѓу редот и хаосот. До некаде и целиот предмет на математиката е создавање на ред онаму каде што се чини дека претходно владеел хаос, одвојување на структурата и инваријабилните (непроменливи) величини од средина на метеж и неред.


Архитектура и градежништво

Бучавата, која во човековата околина се наголемува од ден на ден е последица на современиот начин на живеење. Човекот е изложен на бучава на работното место, во урбаната средина, најчесто во станбената средина во која престојува, па дури и во својот стан.


Психологија

Сведоци сме на оживување на интересирањето за "зошто" и "како" во човечкото однесување, како и интересирањето за смислата на човечката егзистенција воопшто. Во прилог на ова тврдење оди и фактот што во развиените земји од година во година рапидно се зголемува бројот на луѓе кои користат услуги на психотерапевт. Трансакционата анализа како психотераписки правец се занива со проучување на ваквите прашања. Но, што е всушност трансакционата анализа?


Воена техника

Модерните војни се водат со модерно оружје. Во воздушните напади на НАТО против СР Југославија авионите бомбардираа "покриени" од моќните Авакси (AWACS - airborne waring and control system), лансирани проектили од илјадници метри ја "наоѓаат" целта со точност од неколку метри. Меѓу софистицираните оружја кои овозможуваат надмоќ во секоја војна секако се крстаречките проектили кои по исфрлувањето не бараат поддршка или наведување од човекот. Тоа што го "одработуваат" сами е импозантно.


Географија

Природниот центар на некоја ограничена територија претставува местото каде што сите повлечени дијагонали во круг од 3600 се вкрстуваат во една точка. Официјално за првпат природниот центар на Република Македонија го одредил првиот картограф на нашата земја, Илија Илиев од Географскиот институт при Природно-математичкиот факултет во Скопје.


Столарство

Доколку сакате на вашиот дом да му дадете нов изглед, душа и повеќе топлина секако ќе се решите да смените и дел од мебелот. Во ова време повеќето од нас не се во состојба да ги поднесат трошоците околу целосно преуредување на домашниот простор. Со цел да ви ја олесниме работата, а воедно и да ви ги намалиме и трошоците, ЕМИТЕР во оваа рубрика ќе ви нуди некои од можните решенија за нов мебел и промена на ентериерот во вашиот дом.


Уводник

Тргнувајќи од очигледното непостоење на македонско списание за наука и техника, се заложивме да направиме списание кое со еден популарен, едноставен и разбирлив, но сепак доволно стручен пристап на сите читатели ќе им го доближи фасцинантниот свет на науката и техниката. По повеќемесечни одложувања, заради неповолните состојби поврзани со безбедносната и економската криза во Македонија, конечно новиот ЕМИТЕР е пред вас, драги читатели.