Колку пати досега сте посакале да имате едноставен аларм кој би можеле да го сместите во вашите лични работи за да ве предупреди ако некој непоканет посака да ги „разгледа"? Постојат безброј начини за реализација на ваков уред, секој со своите предности и недостатоци. Во овој проект ви нудиме аларм што се активира со зголемување на интензитетот на светлината. И покрај едноставната изведба тој има широка примена - почнувајќи како индикатор на отворена витрина или фијока па се до багажен аларм. Џебната изведба, ниската цена на чинење и батериско напојување се главните предности на овој алармен уред чувствителен на светло.