Како што најавивме, стартува "Фотоемитер", нашата рубрика каде што читателите ги презентираат своите фотографии и при тоа освојуваат вредни награди, но истовремено преку коментарите и советите од нашиот фотоселектор имаат и можност да ги подобрат своите фотографски вештини. Во овој број како најдобри се прогласени фотографиите на Никола Ангелов, Катарина Ристовска и Дејан Маликовски, но уште неколку други влегуваат во изборот за годишната изложба и признанија.

Споменатава проблематика за која ќе стане збор во наредните неколку броја на ЕМИТЕР, ќе има за цел едукација на читателите за важноста на отпорноста на заземјувањето во електричните инсталации. Мислам дека оваа актуелна тема се наметнува поради строгите пропишани европски безбедносни мерки, а за кои верувам дека во блиска иднина ќе станат и наше секојдневие.

Мултифункционалните уреди на Hawlett Packard очигледно и заслужено го пронајдоа своето место на пазарот. Доказ за тоа се разните модели на "сé-во-едно" уреди кои овој производител ги има во својата понуда. Деновиве во нашата редакција пристигна моделот HP Photosmart C8180 All-in-One, така што повторно имавме можност да се увериме во одличните перформанси и квалитет својствен за печатачите произведени во погоните на HP.

Хомосекуалноста - вродена или условена? Голем број научници - генетичари, психијатри, социолози, ендокринилози, сексолози и други, бараат научен одговор на ова прашање. За да дознаете до каде дошла науката со истражувањата на ова поле, прочитајте го текстот што следува.

Можеби е малку чудно што напис со ваков наслов и содржина е сместен во мартовскиот број на ЕМИТЕР, од причина што анализите и прегледите на годината што поминала најчесто доаѓаат со јануарскиот или февруарскиот број од наредната година. Но, сигурен сум дека на нашите читатели нема да им пречи да дознаат кои уреди ја одбележаа 2007 и го поставија правецот во кој ќе оди "натпреварувањето" помеѓу производителите оваа година.

Ова е нашиот краток водич за астрономи-аматери. Дознајте што, каде и како можете да набљудувате во следниот месец на нашето небо со помош на голо око, обичен двоглед и аматерски телескоп. Овој месец ќе помине во знакот на M65 и M66.

Во овој дел се систематизирани можните причини за појава на дефекти кај системи кои работат подолго време и кај ново изградени системи, а на крајот следува преглед на можни превиди во процесот на дијагностицирање и сервисирање. Секако, низ целиот текст има и мноштво совети за оваа проблематика.

Можеби пробивот на соларните ќелии на пазарот ќе нé предводи до една фотонапонска ера, каде што обичниот корисник на мобилен телефон ќе се снабдува со потребната енергија исто како и една фабрика за челик. Но, доколку ова не се случи, а најверојатно и нема, тогаш повеќе технологии, како нуклеарната, биоенергијата, водородот и соларната ќе треба со заеднички сили да нé водат низ потребното, чисто (нискокарбонско) и квалитетно енергетско снабдување.

Честа причина за забавување на работата на еден PC може да биде големата фрагментација на податоците на тврдиот диск. Имено, при снимањето на датотеките на тврдиот диск, поради нивната големина тие се запишуваат по случаен избор во слободните кластери. Така една датотека ќе биде поделена и запишана на разни места на тврдиот диск. Поради оваа поделба на фрагменти, е потребно повеќе време за вчитување на датотеката, со оглед на поголемиот пат што главата на тврдиот диск треба да го помине.

2007 година ќе остане запишана во аналите на AMD како веројатно најцрна година досега. Искра надеж даде RV670 графичкиот процесор и двата модели картички, HD 3870 и 3850, базирани врз него. Тоа го врати AMD во игра во категоријата картички до 150 евра, каде што nVidia не даде соодветен (ценовен) одговор. 8500 и 8600 моделите од понис¬ката ценовна категорија според перформансите не се ни блиску до новите две картички. Новиот кон¬траудар од AMD се вика - HD 3870 X2.

Средношколци откриле астероид;
HP Blackbird 002 - компјутер над компјутерите;
Мегапикселен шампион;
USB3;
Новости од Texas Instruments: 2x125W сместени во 0,1cm3;
Blu-ray победува во борбата со HD DVD;
Ако досега не сте знаеле, сега знајте дека..;
45% од Европејците гледаат Интернет ТВ;
Старт на новиот соларен циклус;
Гласовна енкрипција за мобилни телефони;
Jaguar XF - новата мачка на вжештениот асфалт;

Мегалитската опсерваторија Кокино се наоѓа во североисточниот дел на Македонија. Лоцирана од 35 км од Куманово, оваа опсерваторија заслужено го зазема местото меѓу најзначајните откритија во последниов век. Што, всушност, претставува таа? Кое е нејзиното значење од културен, научен и археолошки аспект?

Предмет на овој напис се едностепените нискофреквенциски засилувачи наменети за засилување на аудиосигналите. Овде се обработени засилувачи со дискретни елементи, кои претставуваат основа за разбирањето на функцијата и карактеристиките на нискофреквенциските засилувачи. Неспорно е дека денес имаме голем избор на интегрирани нискофреквенциски засилувачи во кои се применети сите овде опишани принципи.