Дигиталната фотографија е подобра од аналогната! Не! Аналогната фотографија е подобра! Тоа се двете најчести изјави во фотографските кругови. Кој е во право? За мене, и двете изјави се во исто време и точни и погрешни, во зависност од тоа што сакаме да постигнеме.

Во овој и во наредните два броја на вашето омилено списание Емитер, ќе ги разгледаме и објасниме техничките правила и критериуми кои се однесуваат на радиодифузијата, а се важечки во нашата земја. За почеток ќе ги разгледаме правилата што важат за студијата, а во наредните два броја правилата што се однесуваат на предавателниот дел: за радијата и за телевизиите, посебно.

Дали секаде каде во вселената постојат планети со поволни климатски услови, какви што се на Земјата, неминовно се појавува живот и потоа еволуцијата, според некоја законитост, неминовно доведува до појава на разумни суштества, како што е човекот?

Овој оптички детектор на движење регистрира движење во двете насоки, но дава звучна сигнализација само при движење во една од насоките. Наменет е за заштита на простор и звучната сигнализација се активира само кога во заштитениот простор се влегува, или кога од заштитениот простор се излегува. Замислен е како пасивен детектор, што значи дека за својата работа ја користи дневната светлина, а во услови на недоволна дневна светлина доволно е да се осветли просторот околу детекторот.

Електронското коло, презентирано во овој мал проект, е едноставен додаток за полуспроводничките (се мисли на транзисторските) гитарски засилувачи кое овозможува тие да звучат (свират) скоро исто како "лампашките" засилувачи.

Престижната Европската асоцијација за слика и звук EISA која ја сочуваат 50 магазини од 19 европски држави ги додели признанијата за најдобри уреди и производи за 2007/2008 година.

Продолжува "Фотоемитер", нашата рубрика каде што читателите ги презентираат своите фотографии и при тоа освојуваат вредни награди, но истовремено преку коментарите и советите од нашиот фотоселектор имаат и можност да ги подобрат своите фотографски вештини. Во овој број за најдобри се прогласени фотографиите на Катарина Ристовска, Александар Спасов и Атанас Бајлозов, а наградите за нив се: Дигитален фотоапарат Digimax S760, MP3 плеер MP-SG256 MVision и MP3 плеер MP-02F MCORD.

Не знам што би можело да се каже за ЦД и ДВД читачите и ЦД/ДВД дисковите како носачи на податоци, а што веќе не е кажано. Освен, можеби, за начинот на нивно функционирање, макар што и на оваа тема е дискутирано повеќепати. Сепак, со оглед дека во мејловите кои ни пристигнуваат има и барања за објаснувања како работат одделни хардверски компоненти, ја потегнавме оваа рубрика. А кога сме веќе тука, не смееме да го изоставиме ниту ЦД/ДВД читачот.

Со појавата на peer-to-peer мрежите многумина кои ја користеа имаа можност да доњнлоад-ираат (преземаат) голем број датотеки, најчесто мултимедијални, но и разни други содржини. За жал, на ваквиот начин на користење на peer-to-peer мрежата му беше залепена етикетата за кршење на сопственичките права (copyright), па поради ова многу серверски системи беа затворени. Најголем пример за тоа е Kazaa мрежата.

Конкуренцијата во категоријата на полупрофесионални и аматерски камкордери станува сé пожешка. Достапната цена на овие уреди направи бум во начинот на бележење на спомени и нивната продажба расте секојдневно. Со цел да одговори на сé попребирливиот и попрофилиран купувач Панасоник понуди два нови уреди кои го отелотворуваат квалитетот кој стои зад ова име.

Појавата на процесорите изработени во 45нм литографија овозможи освежување на актуелните Santa Rosa Centrino платформи во поглед на пораст на перформансите и намалување на потрошувачката на енергија. Без сомнение, одличен увод за она што следува - втората Centrino генерација!

За помладите читатели веројатно е незамисливо времето (не така далечно) кога тврдите дискови имаа капацитет од едвај неколку стотини мегабајти, а кој денес е дури и помал од РАМ меморијата на кој било модерен компјутер. Но, од тогаш до денес, капацитетот на тврдите дискови многукратно е зголемен, што е сосема логично ако се знае дека модерните апликации бараат сé поголем простор на дискот, почнувајќи од игрите, па сé до аудио и видеозаписите.

Ова е нашиот краток водич за астрономи-аматери. Дознајте што, каде и како можете да набљудувате во следниот месец на нашето небо со помош на голо око, обичен двоглед и аматерски телескоп. Овој месец ќе помине во знакот на Венера и Марс.