Карактеристика на наградите во последните години е менувањето и воспоставувањето нови категории во согласност со новопромовираните производи, а со цел да се истакне квалитетот и посебноста на одреден апарат или група апарати. Секако дека при тоа не се изоставени клучните и високи критериуми кои посебно ја истакнуваат примената на најнова и најнапредна технологија, проследени со врвен дизајн и квалитет, како и со неминовната функционалност и употребливост на производот. Се разбира, важен елемент е и вредноста во пари според која тој се продава на пазарот. Категориите во кои се доделени признанијата се: аудио, видео, домашно кино, фотографија, автомобилска електроника и мобилни уреди.