ПАК ФА ќе биде прв руски ловечки авион од петтата генерација. Сегашниот прототип, Т 50, е конструиран во компанијата Сухој, а кога ќе влезе во употреба во руското воено воздухопловство ќе ги замени сегашните авиони МиГ 29 и Су 27. Авионот ќе биде основа и за индискиот ловец од петта генерација кој ќе се развива и ќе се произведува во соработка меѓу руската компанија Сухој и индиската Хиндустан аеронаутикс (HAL).

Nero 10 Multimedia Suite ги следи стапките на претходната верзија. Подобрен, дополнет со нови опции и пооптимизиран, новиот пакет отвора дилема – дали воопшто постои реална потреба од дополнителните опции? Мислењата се поделени, нормално. Да се обидеме да го креираме сопственото.

Ќе тргнеме од многу едноставна премиса: да тргнеме од наједноставното! Во овој текст, ќе дадеме некои фактички информации за појавата или феноменот што се нарекува сајбер простор (или cyberspace), со цел на читателот да му понудиме повеќе опции за размислување, што може да ги развие во посебни насоки (по свој избор) и од кои ќе може да извлече нови заклучоци или дефиниции и да се доближи до суштината на тоа што е – сајбер простор (или сајберспејс).

Дали сакате да имате комплетна контрола на апаратите кои ги имате дома? Имате некој мал индустриски процес кој не е автоматизиран само поради комплексноста на работите? Или, пак, имате желба да добиете автоматски извештај за состојбата на вашата машина по SMS каде и да се наоѓате?

Софтверот Sound Forge Pro 10 e создаден за аудиомонтажери и креатори на аудио, бидејќи овозможува комплетна контрола од сите аспекти. Софтверот овозможува професионално снимање и контрола на аудиосигналите, како и специфичен дизајн на тонот било да се произведува или да се реставрира. Погоден е и за CD креации, бидејќи во исто време овозможува и запис на конечниот продукт на CD.

Кога потесното и поширокото опкружување ќе дозволи да дејствуваат и истовремено ги стимулира поединците и групите кои знаат, умеат и можат своите идеи и замисли за нови производи да ги преточат во реалност, т.е. производ, може да се каже дека е поставена основата за опстанок и функционирање на заедницата/системот во секоја смисла на зборот. Токму тоа се случи во Хрватска. Неодамна, мала група ентузијасти и стручњаци го промовираа своето прво мало градско електрично возило наречено Doking XD.

Кога зборуваме за топлинска изолација на зградите, веднаш асоцираме на намалување на топлинските загуби во зимскиот период, сè со цел, со што е можно пониски финансиски трошоци за греење да обезбедиме удобна внатрешна микроклима. Меѓутоа, во летниот период се случуваат топлински добивки однадвор, кога надворешните температури се значително повисоки од внатрешните, потребни за удобен престој во просториите.

Новиот тренд во производство на ТВ-опрема, која го доби епитетот "зелена", всушност, се уреди сведени на една единствена плочка, како што е, на пример, картичката multiviewer која овозможува гледање на 20 видеосигнали (слики) во исто време. Овие нови "зелени" уреди гарантираат заштеда на потрошувачка на енергија до 90%, заштеда на простор за сместување во ормар, како и заштеда на друг потребен материјал за производство и каблирање.

Еден од почестите проблеми со кои се среќаваат новите корисници и почетниците на ГНУ/Линукс оперативниот систем е остварување на конекција на интернет преку ГНУ/Линукс системот. Во продолжение ќе ја разјасниме оваа мистерија за чие решение се потребни само неколку кликови со глувчето.

Ако не знаете дали некој ви дошол во посета кога сте биле отсутни од дома, а сакате тоа да го дознаете, тоа можете да го сторите користејќи еден едноставен електронски склоп, кој "помни" дали вашето ѕвонче било активирано кога вие сте биле отсутни.

Веќе пишувавме за PROMETEAN ACTIVEBOARD интерактивната табла чувствителна на допир, која одлично може да послужи како во едукативни, така и во презентациски и други цели. Неполни две години подоцна пред нас е видувањето на SAMSUNG на оваа тематика.

Кеплер, леталото кое НАСА го испрати да пронајде "земјолики" планети конечно ги израдува сите оние кои очекуваа многу од него. Обработени се голем број на податоци, а резултатите се изненадувачки позитивни.

Неодамна американскиот финансиски магазин "ФОРБС" ги одбра осумте најбогати луѓе. Интересен е фактот што новите милијардери се сè помлади луѓе. Осумте кандидати, меѓу кои се и основачите на Google и творецот на социјалната мрежа Фејсбук, се избраниците на Форбс, кој ги наведе овие богати луѓе од технолошко-информатичката сфера како наследници на Бил Гејтс. Гејтс е милијардер уште од 1987 година, кога сè уште немал ни 32 години.