Некои, додека ставаат вода во саксиите, со убави зборови нежно се обраќаат кон цвеќињата. Тоа повеќето луѓе го прифаќаат како сосема нормално однесување. Дури, некои тврдат дека убавите зборови упатени кон растенијата имаат благопријатно дејство врз интензитетот на расцветувањето и директно го поттикнуваат растот на билките. Од друга страна, лошите зборови, па дури и мисли, наводно имаат неповолно дејство врз билките. Дали билките навистина можат да ни ги читаат мислите?

Телескопот можеби е најзначајниот пронајдок за човештвото, после огнот и тркалото. Луѓето отсекогаш мечтаеле да имаат некаков уред со кој ќе можат да ги гледаат далечните објекти како да се блиску пред нив, но поминало долго време додека тој сон не се остварил – дури во 1608 година Холанѓанецот Ханс Липерхе го изработил првиот телескоп, со намера за набљудување на земските објекти.

Лемилото е една од основните алатки на еден електроничар. Секој почеток е тежок, па така е и со лемењето. Со време стануваме сè повешти и учиме мали трикови кои придонесуваат нашите залемени споеви да изгледаат се подобро. Бидејќи најтешко се учи од искуство а најлесно од книга, а меѓу нас има и такви кои сега почнуваат, еве уште една прилика и овие читатели да се запознаат со основните работи за лемењето.

Во овој дел е разгледана архитектурата на интелигентните антенски системи, начинот на процесирање на сигналите, како и пропагационите стратегии. Изнесени се и релативните предности на смарт антените во однос на нивната интеграција во постојните целуларни системи, дострелот односно покриеноста, намалувањето на интерференцијата, како и новината што ја внесуваат преку просторното процесирање на сигналите.

Сите градежни конструкции во некој објект кои претставуваат граница помеѓу греан и негреан простор треба топлински да се изолираат. Притоа, единствено правилно место на топлинската изолација е од надворешната страна на градежната конструкција. Повлекувањето на изолацискиот слој кон внатрешноста на конструкцијата носи низа негативни последици: зголемени топлински загуби, генерирање на топлински мостови, големи температурни разлики во конструкцијата и можни градежни штети.

На спортскиот аеродром крај селото Логоварди на 19 и 20 септември се одржа вториот по ред аеромитинг во организација на Аероклубот "Мирко Тодоровски" од Битола, со сесрдна помош од Министерството за одбрана, Министерството за внатрешни работи, локалната самоуправа на градот Битола, како и поголем број спонзори.

Агресивниот настап на АМД на полето за процесорите оваа есен не можеше да мине без реакција од Интел, и покрај тоа што немаше помпезни најави за такво нешто. Освен полусрамежливото најавување на Core i5 и Core i7 процесорите за LGA 1156 лежиштето, изостанаа најави за нови модели во маинстреам и буџет сегментот. Но, Интел не би бил Интел ако пријатно не нè изненади!

Пред четириесетина години за првпат преку телефонска линија комуницираа луѓе од два различни компјутери. Се разбира "комуникацијата" беше далеку од совршена, но, сепак, од моментот кога информациите проструеја низ тие телефонски кабли начинот на којшто денес комуницираме беше роден.

Верувам дека честопати сте биле во ситуација кога некоја ваша фотографија едноставно не ви се допаѓа. Во времето кога дигиталните апарати не постоеја, не можеше ништо да се стори во врска со ова, но денес веќе не е така. Дигиталните апарати ви даваат можност вашите фотографии да ги префрлите на PC и понатаму дополнително да ги "средите" по ваш вкус. За оваа намена постојат низа различни софтверски решенија кои повеќе или помалку успешно ќе ја завршат работата.

Windows mobile 6.5;
Уште новости од MAXTV;
Бактерија кандидат за астронаут;
Бомби кои пошумуваат;
ДТВ транзиција во САД;
Со самоградба до ѕвездите;
Радиоаматерска активност од Голем Кораб;
Прва радиоаматерска врска преку месечината на 6м опсег;
Нов тип на ладење на електронските уреди;
Вода и на Месечината?;
Има ли нашиот мозок "Recycle bin";
Грамофон со вграден MP3 енкодер;