Почитувани читатели, вашето омилено списание ЕМИТЕР, како единствено домашно списание од областа на техниката и науката, повторно ја има честа прво во Македонија подетално да ве запознае со дигиталната терестријална телевизија, која за неполн месец ќе треба да започне со официјално емитување во нашата држава. Конечно после почетните дигитални понуди на кабелските телевизии, како и АДСЛ ТВ, на ред дојде и дигитализацијата на најважната и најпроблематичната за дигитализација платформа, а тоа е терестријалната (кај нас позната и како земска ТВ или ТВ преку етер). Привилегијата, но и обврската да го започне тој процес во Македонија на јавен тендер ја доби Телеком Словенија, т.е. неговите фирми-ќерки во Македонија - Он.Нет и Космофон.