Овој месец нема да има ништо посебно на небото над Македонија, освен прекрасните Сатурн и Јупитер. Сепак, најубавото од сите неба - зимското, вреди да се искористи, па за оние кои имаат оптички помагала, би ги препорачал секогаш интересните т.н. Месие објекти (од истоимениот каталог). Овој каталог изобилува со објекти од длабокото небо, и многу од нив лесно се забележуваат и изгледаат прекрасно низ аматерски телескоп, или со помош на едноставен двоглед.

Со овој напис ЕМИТЕР започнува со серијата "Во посета на аудиостудијата низ Македонија". Основна цел на оваа серија е да се фрли светло врз техничките аспекти што ги карактеризираат студијата во кои ќе гостуваме: акустичките особености, техничката опременост, човечкиот фактор кој ракува со опремата, референци итн.

Како и во другите гранки од технологијата, така и во видеотехниката голем замав зема дигиталната технологија која покрај намалување на димензиите на уредите, нуди далеку подобар квалитет на снимениот материјал во споредба со аналогните уреди со слична цена. Освен тоа модерните преносни дигитални камери нудат и можности за едитирање на видео материјалот, опција која претходно беше привилегија за сопствениците на скапи уреди за обработка на видео материјали.

Сега, кога располагате со доволно знаење за стандардниот ТВ-приемник од аналоген тип, ќе можете да се фатите за поголем залак, а тоа е микропроцесорски управуваниот ТВ-приемник. На почетокот се изнесени општи карактеристики на еден микропроцесорски контролиран приемник, а понатаму следува детална анализа на приемникот "Edison - Continental" со совети за негова поправка и нагодување.

Во овие зимски денови, кога сметките за потрошената електрична енергија предизвикуваат сериозни потреси во буџетите на секое семејство, сé поатрактивна се покажува можноста да се дојде до некој киловат час бесплатна енергија со вградување на фотонапонски систем во својата куќа, викендичка или деловен објект. Текстот што следи ќе ве упати во основните елементи и карактеристики на оваа технологија, како и во фотонапонските системи кои се нудат во Македонија.

Колку повеќе сте поврзани на Интернет, толку е поголема и опасноста за вашиот компјутер. Вируси, црви, тројанци... никогаш не се знае со што може да се зарази вашиот компјутер. Секојдневната опасност од зараза бара одредени мерки за заштита. Најдобар начин за заштита се антивирусните програми. Денес постојат многу антивирусни програми, а овој напис ќе ви помогне да ја изберете вистинската за вашиот компјутер.

PictureMate не претставува само уште еден фотопечатач од угледната компанија Епсон. Тој е дизајниран за секој корисник да може печатењето на фотографии со висок квалитет да го прави во својот дом.

Доколку барате скенер чиишто перформанси ќе можат да се рамнат со оние на професионалните уреди, а притоа имате ограничен буџет, Fujitsu ScanSnap е вистинското решение. Скенерот е одличен за т.н. мали и средни бизниси и овозможува брз и, што е најважно, едноставен метод на конвертирање на информациите кои се наоѓаат на парче хартија во дигитален формат (Adobe PDF) и тоа со притискање на едно единствено копче.

Во вториот дел од серијалот написи за изработка на картингот комплетно ќе биде прикажана изработката на предното потпирање. За разлика од изработката на шасијата, каде што соодветните делови (цевчиња) сами ги подготвувавме, од сега па сé до крајот на оваа серија на написи за изработка на картингот, деловите кои ќе бидат прикажани во техничката документација е потребно да се изработат во некоја подобро опремена металостругарска работилница.

Поради непостоењето на мемориски ефект, двојно поголемиот капацитет и други подобри карактеристики, Ni-MH батериите постепено ги заменуваат Ni-Cd батериите. И покрај сличните карактеристики, не е дозволено полнење на Ni-MH батерии со полнач наменет за полнење на Ni-Cd батерии. Полначот што ќе биде опишан спаѓа во групата на "smart chargers" или интелигентни полначи, затоа што не дозволува преполнување на батериите.