Со овој напис ЕМИТЕР започнува со серијата "Во посета на аудиостудијата низ Македонија". Основна цел на оваа серија е да се фрли светло врз техничките аспекти што ги карактеризираат студијата во кои ќе гостуваме: акустичките особености, техничката опременост, човечкиот фактор кој ракува со опремата, референци итн. При ова никако не смее да се заборави и на личноста која имала доблест да се зафати со ваква работа, бидејќи таа е решавачкиот фактор во оформувањето на акустиката на студиото, на неговата техничка опременост и на присутниот кадар. Започнуваме со претставување на студиото Аудиолаб на Тоше Поп-Симонов.