Во текот на изминатава година ЕМИТЕР ги посети најголемиот број на аудиостудија во Македонија, всушност, да бидеме попрецизни, сите посетени студија беа од Скопје. На повеќето наши повици да се јават сопствениците на студијата и од Скопје и од внатрешноста немаше никаков одговор, иако знаевме дека некои студија постојат. Причината за молкот тие најдобро ја знаат. Ние можеме само да претпоставуваме дека една од причините би можела да биде докрај недоизградената инфраструктура на студијата, иако ако се фрли поглед на сите досегашни извештаи од посетите, никаде и со ништо не е потенцирана некаква несовршеност (според нашите сфаќања), туку сите написи одат по линијата на афирмативност. Тие тоа и го заслужуваат.