Сте се запрашале ли во одредени ситуации, ако ве застане полиција и ве тера да "дувате", дали алкотестот ќе биде позитивен? Со изработка на предложениот едноставен алкотестер, на брз и ефикасен начин можете да добите точен одговор

Во ова второ продолжение на темата енергетска ефикасност ќе стане збор за неколку конкретни системи, како и за некои практични совети и активности што можат да се преземат во насока за зголемување на енергетската ефикасност. Ќе биде разгледана ефикасноста на различни видови горива и согорувањето како процес, потоа ефикасноста на системи со котли, пумпи, вентилатори и компресори.

Нова генерација камерни системи, роботизирани камери кои нудат нов и усовршен пристап во продукцијата на телевизиските содржини. Нивната примена во виртуелните 3Д-студија овозможува нивна трансформација во совршена продукциска машина.
Проследете ги сите продолженија и научете повеќе како роботиката навлезе во телевизиската продукција.

Посериозни набљудувања на небеските објекти можат да се прават само со сериозен и квалитетен телескоп. Тоа подразбира доволно голем дијаметар на телескопскиот објектив и стабилна монтажа. Општо прифатено е дека границата за она што може да се нарече доволно голем дијаметар за рефлектирачки телескоп изнесува 10 cm. Астрономите-аматери со таков телескоп можат да уживаат во огромен дел од небески објекти во полната нивна убавина.

Согледувајки ја сè поголемата заинтересираност за радиоуправувани модели, индустријата направи еден огромен скок доближувајќи ги до сите возрасти. Се произведуваат како: РК комплет делови (RC kits) кои треба да се состават и да се изгради летачки модел, готови склопови кои треба само да се состават (ARF - Almost Ready to Fly), и комплет модели подготвени за летање, веднаш со вградени радиоуреди (Combo ARF).

Во машинските постројки редовно се користат тркалачки и лизгачки лежишта за намалување на отпорите на праволиниско движење или тркалање. Во овој текст ќе опишеме едно сосема ново поглавје во влежиштувањето на ротирачки елементи во машинските постројки. Тука ќе го објасниме принципот на работа на магнетните лежишта (лагери), главните составни делови, како и предностите кои се добиваат со примена на овој тип лежишта.

Полуспровод-ничкиот релеј претставува компонента којашто има функција на електромеханичка склопка – релеј, но тој е целосно реализиран од електронски компоненти, без ниту еден подвижен механички дел. Во текстот што следува ќе биде разгледан принципот на работа, симболите и куќиштата, предностите и недостатоците, како и главните карактеристики на повеќе модели од овие компоненти.

Како што Марфи одамна има кажано, сите електронски уреди откажуваат во најнезгодно време за нивниот корисник. Пишувачот на овој текст го искусил ова на свој грб (читај компјутер) и ако не сакате или не можете да си дозволите да поминете низ макотрпните часови/денови потребни за реставрирање на податоците кои ви требаат или коишто едноставно се незаменливи, потребно е да правите нивен секојдневен бекап. Но, за ова да го направите соодветно, потребно е време кое вие најчесто го немате.

Целта на оваа иновација е да понуди начин и постапка со која ефикасно ќе се истретира суровата ПЕТ-амбалажа во предрециклажната обработка, во смисла на драстично намалување на нејзиниот волумен и отстранување на етикетите. При ова, вака компримираната ПЕТ-амбалажа станува многу атрактивна за понатамошна постапка.

Научниците создале нов вирус којшто би можел да им го врати видот на луѓето заболени од болести како што се retinitis pigmentosa или дегенерација на макулата. Вештачки создадениот вирус е адено асоциран вирус AAV (Adeno-associated virus)). Овој мал вирус кој не предизвикува болести, имуниот систем речиси не го забележува и му се прогнозира позитивна примена во лечењето на генетски болести, особено на очите. За што всушност станува збор? Прочитајте за да дознаете.

Во сите студија во светот, над големата микс-конзола можете да забележите еден пар звучници кои служат за мониторирање на музичкиот сигнал. На професионалците кои работат на тие микс-конзоли неопходно потребен им е звучник со натпросечен квалитет на звук, за да бидат сигурни дека нивната замисла правилно е втисната во музичкиот запис кој потоа ќе се врти во домовите на аудиофилите.