Посериозни набљудувања на небеските објекти можат да се прават само со сериозен и квалитетен телескоп. Тоа подразбира доволно голем дијаметар на телескопскиот објектив и стабилна монтажа. Општо прифатено е дека границата за она што може да се нарече доволно голем дијаметар за рефлектирачки телескоп изнесува 10 cm. Астрономите-аматери со таков телескоп можат да уживаат во огромен дел од небески објекти во полната нивна убавина. Се разбира, со уште поголем објектив може да се добие уште повеќе светлина и да се проникне во деликатните нијанси на маглините, или може да се добие поголемо зголемување за набљудување на планетите. Објектив од 13 cm фаќа за 69% повеќе светлина и може да даде за исто толку поголемо засилување во однос на објектив од 10 cm. Овој добредојден напредок ќе го разгледаме на практичен пример со телескопот Celestron AstoMaster 130 EQ.