Во сите студија во светот, над големата микс-конзола можете да забележите еден пар звучници кои служат за мониторирање на музичкиот сигнал. На професионалците кои работат на тие микс-конзоли неопходно потребен им е звучник со натпросечен квалитет на звук, за да бидат сигурни дека нивната замисла правилно е втисната во музичкиот запис кој потоа ќе се врти во домовите на аудиофилите. Тие мониторски звучници можат да бидат пасивни (како домашните hi-fi звучници) или активни – со вградени засилувачи и активна свртница. Најценетите студиски мониторски звучници се активни, како што е случајот со RCF MYTHO 8 што ќе ви го претставиме овде.