Празниот вселенски простор-вакуум не беше отсекогаш мистичен, каков што е денес. Некогаш на него физичарите гледаа како на безлична празнотија во која апсолутно нема ништо, но со "раѓањето" на квантната физика работите се изменија: се откри дека "ништото" (вакуумот), сепак, содржи "нешто".

За Windows регистрите, драги мои, сигурно повеќето од вас имаат слушнато. Секако, повеќето од вас слушнале и за едиторот на регистрите (Windows Registry Editor), кој овозможува разгледување и промена на поставените вредности во истите. Со овој алат може да се коригираат разни грешки кои се јавуваат при работа на Windows, но при невнимателна работа со регистрите можно е и целосно онеспособување на оперативниот систем.

На прагот сме кон потполна дигитализација на фотографијата. Ова е период на споредба на карактеристиките на аналогната со дигиталната фотографија, па оттука произлегуваат голем број прашања кои ги поставуваат не само почетниците туку и врвните мајстори на фотографијата. Едно од најчесто поставуваните прашања е: Зошто мојот дигитален апарат е толку бавен?

Современо конципиран, децентно и елегантно дизајниран, овој систем за домашно кино на Самсунг се наметнува како одлична опција за заокружување на центарот за аудио и видеозабава во домот. Иако, првенствено, е замислен како дополнување со комплементарно дизајниран телевизор од серијата 6 на истиот производител, се разбира дека Самсунг HT-X715 може одлично да се снајде и во поинакво замислено опкружување.

Поплавата е една од незгодите која секогаш е подобро да се спречи отколку да се лечи. Но, сепак, и покрај сите преземени мерки на претпазливост може да дојде до протекување. Списокот на можни виновници е долг: пукнато црево од одводот на машината за перење, заборавена славина за полнење на кадата, скршено стакло од аквариумот, расипан бојлер... и да не редиме понатаму. Во секој од овие случаи е корисно предупредувањето да стигне што побргу, за нанесената штета да биде што помала.

Рачната дупчалка е алат кој веројатно е најраспространет и најупотребуван од многу занаетчии, но исто така своето место го наоѓа и кај домашните корисници - хобисти. Светски реномираните призводители на електричен алат нудат разни типови на рачни дупчалки, а еден од неизоставните модели, секако, е батериската дупчалка. Компанијата Makita, исто така, има свои производи кои се во самиот врв на ваков тип алати.

Првите Phenom процесори кои се појавија минатата година целосно потфрлија и ја поставија дилема - дали АМД ќе се врати на старите позиции? Дилемата не траеше долго - брзата реакција и елиминацијата на TLB багот ги покажаа вистинските можности на четиријадрените процесори на АМД. Пред нас е новата четиријадрена генерација на АМД Phenom. Подобрено јадро (B3 ревизија), елиминиран TLB баг, 65 nm литографија. Дали е сето ова доволно за колку-толку рамноправна трка со Интел? Да видиме.

Опцијата за валидација во Excel е навистина корисна алатка при внес на податоци. Слободно може да се каже дека со неа ќе може да се ограничи и да се спречи внесување каков било тип на податоци во ќелија или група на ќелии преку однапред дефиниран ранг на броеви или должина на стринг, листа на дозволени вредности и слично.

Продолжува "Фотоемитер", нашата рубрика каде што читателите ги презентираат своите фотографии и при тоа освојуваат вредни награди, но истовремено преку коментарите и советите од нашиот фотоселектор имаат и можност да ги подобрат своите фотографски вештини. Во овој број за најдобри се прогласени фотографиите на Елена Бошковска, Гордана Аџиева и Енкел Дика, но уште неколку други се пласираа за завршната изложба.

Само најскапите рачни електрични брусилки од познатите марки имаат вградено кола за мек старт. Мекото стартување значително ги намалува трошоците за одржување на машината и го продолжува нејзиниот век. Во овој текст е опишан уред за мек старт кој не се вградува во машината, туку на него се приклучува која било машина. Со ова, секоја машина приклучена на уредот добива мек старт, дури и оние машини кои сé уште на пазарот немаат верзија со мек старт.

Новогодишните и божикните празници се многу блиску, да не речам на прагот. За да ги почувствувате духовно повесело, традиционално треба да си набавите новогодишно-божикна елка и да ја украсите со соодветни украси и светилки. Во овој проект ви нудиме електронски лампион кој претставува многу интересен и симпатичен украс, од кој се надевам, ако го изработите, ќе бидете многу задоволни и вие и вашите најблиски.

Под Земјината кора постои слој од растопен камен наречен магма, каде што постојано се произведува топлина, претежно од природните радиоактивни материи, како што се ураниумот и калиумот. Постигнатата топлина на длабочина од 10 000 метри под површината на Земјата, содржи 50 000 пати повеќе енергија отколку изворите на нафта и природен гас во светот.

Една од најинтересните теми за размислување и мечтаење секако е можноста за постоење вонземен живот, по можност разумен, па уште и контакти со него, па уште и да личи на Џејн Фонда (филмот "Барбарела") или Ким Бесинџер ("Мојата маќеа е вонземјанин")... Сериозно, темата вонземен живот е на менито на секој интелектуалец гладен за интелектуална храна.