Ова се едни од многуте непријатни дефекти затоа што сме затекнати со возилото на пат, каде што е тешко да најдеме помош: едноставно, се наоѓаме "во небрано". Но, за среќа, не мора да е сé така црно и беспомошно како што изгледа на прв поглед. Во таа смисла, ќе се обидам да ги посочам и протолкувам карактеристичните и најчесто присутни дефекти во овие случаи и како на пат да го оспособите вашиот мотор за да продолжите со патување до саканата дестинација. Можно е и да не можете да се справите со дефектниот мотор (тежок дефект!) и во тој случај единствена опција што ја имате на располагање е шлепслужбата.