За Windows регистрите, драги мои, сигурно повеќето од вас имаат слушнато. Секако, повеќето од вас слушнале и за едиторот на регистрите (Windows Registry Editor), кој овозможува разгледување и промена на поставените вредности во истите. Со овој алат може да се коригираат разни грешки кои се јавуваат при работа на Windows, но при невнимателна работа со регистрите можно е и целосно онеспособување на оперативниот систем. Затоа, секогаш пред да започнете со измена на регистрите, препорачливо е да се направи нивна копија, која е незаменлива во случај кога нешто нема да излезе како што е замислено. Но, да почнеме, се разбира, од почеток.