Веќе 15 години конференцијата ИДФ на Интел е еден од најголемите настани во тековната година кој помага во обликување на насоката во која ќе се развива ИТ индустријата во иднината. Настанот претставува место каде луѓето од сите сегменти на ИТ индустријата се собираат да слушнат за најновите достигнувања на Интел и неговите партнери, но и да се вклучат во развојот на идните технологии и производи. На ИДФ во Сан Франциско оваа година присуствуваше и ЕМИТЕР, па во овој напис од прва рака ќе ве информираме за сите клучни сегменти на кои работи Интел со што, во голема мера се одредува идниот развој на целата ИТ индуструја.

Технологијата за производство на светлина со вртоглава брзина оди напред. Последниве децении на пазарот се намножија многу типови и видови автомобилски светилки, што за обичниот човек изгледа збунувачки. Написов има за цел да ве запознае со основните видови автомобилски светилки, со нивните карактеристики и можности. Едноставно, да направи малку ред во оваа сфера.

Во фамилијата црни дупки досега истражувачите идентификувале 2 типа нејзини членови: "стеларни црни дупки" и "галактички црни дупки" во центарот на речиси секоја галаксија, обете со потекло од колапс на помасивните ѕвезди. Но, во таа фамилија астрофизичарите теоретски предвиделе уште два типа нејзини членови, кои досега не се неидентификувани: "мини црни дупки", со потекло од Биг Бенгот и "микро црни дупки", вештачки креации во судрувачите на елементарни честички.

Да замислиме дека имаме компанија којашто е составена од 100 мрежни уреди, вклучувајќи сервери, печатачи и работни станици, како и сервер на кој е инсталирана апликација за работа со апарат за кредитни картички. Што ќе се случи доколку овој сервер откаже во работна недела? Тогаш ќе биде повикан администраторот за да го отстрани проблемот. Но што доколку овој проблем се случи во петок навечер и не биде забележан сè до наредниот работен ден, т.е. до понеделник?

Од водечките производители на лап-топ компјутери, Fujitsu е последната компанија која на пазарот ја претстави својата Ultrabook серија. Серијата се состои од два модела: U772, кој според своите карактеристики и цена припаѓа во т.н. бизнис класа (ако воопшто може да се каже дека некој Ultrabook компјутер не е дел од бизнис-класата), како и UH572, кој има нешто послаби технички карактеристики, а со тоа е и подостапен до крајните корисници.

T2 Intelligent Disk Recorder на Grass Valley за прв пат беше прикажан на IBS09, како следна генерација на iDDR. T2 iDDR е последен додатак на Grass Valley iDDR фамилијата дигитални снимачи, кој е суперзамена за класичниот VTR, а за него треба да се издвојат околу 12980 $.

Се случува, при вадење или ставање на некои продукти во фрижидер, да заборавиме да ја затвориме вратата или од невнимание да ја оставиме подотворена. Како последица на ова се јавува зголемена потрошувачка на електрична енергија, зголемување на температурата во фрижидерот и во најлош случај (доколку вратата е подолго време отворена) расипување на некои поосетливи продукти.

Астрономите ја редефинираа една од најбитните мерки за оддалеченост во Сончевиот систем – Астрономоската единица (АЕ). Астрономската единица, која го изразува приближното растојание од Земјата до Сонцето, од збунувачки збир на пресметки е сведена на еден единствен број. Новиот стандард, којшто едногласно беше изгласан на состанокот на Интернационалното здружение на астрономите во Пекинг, Кина, изнесува точно 149 597 870 700 метри.

При формирањето на домашна мрежа кај оперативниот систем Windows 7 честопати пристапот кон деливите (shared) партиции и фолдери е невозможен кога се обидуваме да пристапиме од друг компјутер. Еве како се решава овој проблем.