Со векови, астрономите ги имале само своите очи за набљудување и истражување на Универзумот. Колку едноставно и да изгледа, голото око е првиот инструмент во астрономијата. Тоа ни озвозможува да ги видиме повеќето планети и да го следиме нивното движење меѓу ѕвездите во текот на сезоните.

На крај сме на јубилејната година во која се одбележуваат 200 год. од раѓањето на Чарлс Дарвин и 150 год. од публикацијата на неговата книга "Постанок на видовите", со која тој ја промовирал Теоријата за еволуцијата. Но, како таа теорија стои денес, кога се знае дека некои најнови сознанија со кои во меѓувреме науката се збогатила, излегуваат од постоечката нејзина рамка која Дарвин ја поставил пред 150 год?

Во ова последно продолжение, накратко се опишани дигиталните контролери, нивната функционалност, како и погодностите и предностите што ги нудат во поглед на аналогните системи. Понатаму, изложен е еден општ пристап при изборот на погодни контролерски структури и нагодувањата на параметрите.

Мноштвото формати кои постојат кај дигиталните слики како да внесуваат повеќе забуна одошто квалитет, а нивното непознавање често води кон поразителни резултати. Навистина треба добро да ги познаваме алтернативите за избор на еден од многуте формати за да не употребиме несоодветен формат кој ќе го деградира квалитетот на нашата дигитална слика пред воопшто да бидеме свесни за тоа. За да го олеснам изборот, денеска ќе обработам еден од најприсутните формати: GIF.

Трошоците при градба на ѕидови со надворешна изолација се приближно исти со трошоците на ѕидови со изолација во средина или одвнатре. Меѓутоа, енергетската ефикасност, долготрајноста на конструкциите и угодната микроклима за престој во објектите им дава предност на ѕидовите со надворешна изолација далеку пред останатите два случаја.

UltraScope на Blackmagic Design е најновиот производ на компанијата кој беше прикажан за прв пат на NAB2009. UltraScope на Blackmagic Design е уред за контрола на брановите облици (waveform monitoring) базиран на PC. Од производителите и од корисниците е оценет како "револуционерен" по своите можности и доби неколку престижни награди.

VOPEX HDTV Audio/Video Splitter/Extender via CAT5 е идеален за системи каде е потребно да се дистрибуираат видеокомпонентни сигнали со висока резолуција заедно со аналогни стерео-аудиосигнали и истите да се транспортираат на долги дистанци до поголем број на видеодисплеи и звучници. Уредите меѓусебе се поврзани преку CAT5/5e/6 кабел на далечина поголема од 180 метри.

Понекогаш е потребно кај некои детски играчки да доградите некој светлосен ефект (на пример, кај "Пожарна"- камионче), а со тоа да го привлечете вниманието кај децата. Исто така, овој светлосен трепкач може да најде примена и на други места по ваш избор.

Гигантот Microsoft во својата палета на производи има софтвер за разни намени. Можеби затоа и не е чудно што овој пат програмерите од Редмонд се испробаа во делот за компјутерска сигурност. А зошто и да не, ако тргнеме од фактот дека тие самите и најдобро ги познаваат своите оперативни системи и можните пропусти во нив. Се работи за пакетот Microsoft Security Essentials Beta кој е наменет за заштита од вируси, тројанци, црви, спајвер и други малициозни штетни програми.

Како што најчесто се случува, новиот и брз компјутер со текот на времето почнува да ги губи своите перформанси и да работи побавно. Причините за ова можат да бидат разновидни, почнувајќи од големиот број на инсталирани програми и сервиси, па до разни малициозни програми. Сепак, ретко кој помислува дека оваа појава може да биде и поради застарените и веќе несоодветни управувчаки програми – драјвери за постоечкиот хардвер.

Рубриката Годишен индекс ви овозможува преглед на сите написи објавени во тековната година систематизирани по азбучен ред и научни области. Кога ќе го лоцирате насловот на написот кој ве интересира едноставно следете ги точките и дознавате во кој број на ЕМИТЕР тој бил објавен во тековната година и на која страница. Годишниот индекс е особено практичен прилог за читателите кои ги чуваат (укоричуваат) примероците од цела година.