Јунакот на темата за хибридните автомобили е, без сомнение, Тојота Приус. Целиот овај текст ќе биде посветен токму на Тојота Приус. А има што да се искоментира и што да се каже. Ќе се насладуваме на нејзината вонвременска приказна од аспект на технологија и техника. Ќе ѕирнеме малку и под моторскиот капак за да видиме како актерите изгледаат во реален приказ. Ќе прокоментитам неколку карактеристични дијаграми и шеми со цел поблиско запознавање со овој автомобил.

FOR-A, водечка компанија во производство на видео и аудиосистеми за бродкаст и професионална аудио и видеопродукција во втората половина на минатата година го промовираше својот нов производ CEQ-100HS Color Equalizer, уред за изедначување на боите, проблем кој им задаваше голема мака на луѓето кои работат во овој домен.

Мало невнимание додека сакате со универзалниот инструмент да ја "измерите внатрешната отпорност" на мрежата од 230 V или кога не сакајќи се обидувате да ја измерите "максималната струја" што може да ја даде мрежното напојување. Резултат, силен пукот што ги прободува ушите, бел чад што штипе во очи, забрзана работа на срцето и се разбира каење за тоа како сте можеле да бидете толку невнимателни. Но, не очајувајте – инструментот можете да го поправите со помош на овој напис.

Пазарот на SSD дискови е една област на PC индустријата каде што гледаме константен развој и еволуција, особено во последниве неколку години. Сä започна со првата генерација на модели, кои ветуваа многу повеќе од тоа што навистина можеа да го понудат. Сега, неколку генерации подоцна, на пазарот се нудат модели кои користат SATA 3 интерфејс и кои стануваат основа за нова генерација на PC.

HTC Thunderbolt е одамна најавуваниот модел на HTC кој моментно го рекламираат како уред којшто мора да се поседува. Се работи за моќен телефон со добри технички карактеристики, кој, за жал, се сомневаме дека ќе го видиме во скоро време кај нас бидејќи е направен да функционира исклучително на 3G или 4G мрежа (не и на GSM).

Науката перманентно ни открива несомнени научни вистини, но некои од нив се спротивставуваат на нашиот здрав разум и ни изгледаат неверојатни. Во овој серијал ви претставуваме поголем број такви "неверојатни" научни вистини. На ред се нови три неверојатни научни вистини: ДНК кај човекот го надминува растојанието Земја-Месечина за 260 000 пати, Гравитацијата во орбита е речиси иста колку и на Земјата и Сахара беше зелена пред 6 илјади години.

Кога е потребна голема брзина при вклучувањето и исклучувањето, кога е потребна сигурност во работата во неповолни услови на опкружување (вибрации, влага, прав, чад...), бесшумност во работата и прекинување на големи вредности на струи без искрење на контактите, одлуката на избор е полуспроводнички (solid state) релеј како прекинувач.

Како интегрираните кола навлегуваат во некои операции, кои пред нивната појава се изведувале со механички или дискретни електронски елементи, ќе биде прикажано на примерот на проследување на аудиосигнал од неколку извори на еден засилувач. Наместо механички прекинувачи, ќе видиме како се применуваат интегрирани прекинувачи и дигитални мултиплексери.

Во овој број ќе се занимаваме со некои од оние специфични технологии за сервери кои, иако на прв поглед изгледаат исти како она што го гледаме во просечниот домашен компјутер, кога ќе загребеме малку под површината се појавуваат многу разлики, од суптилни до многу драстични. Па, да почнеме…

Откако во претходниот број ви го претставив во кратки црти новиот iPad 2, сега ќе се погрижам, откако ќе го купите, на него да не работите без потребните додатоци. Поради големиот број додатоци коишто се нудат за овој уред, јас ќе ви презентирам само неколку кои мислам дека најмногу ќе ви се допаднат. За да не дојде до забуна, во текстот ќе го пишувам како iPad наместо iPad 2.

На крајот на април можевме да прочитаме низ голем број на весници дека Хигсовиот бозон, познат како "Божјата" честичка, беше откриен во лабораториите на ЦЕРН во Женева. Всушност оваа вест беше негирана од страна на ЦЕРН која објасни дека се работи за едно големо недоразбирање.

Колку и да е битна електричната шема на одреден уред, таа не претставува многу повеќе од десетина проценти од неговата вкупната техничка реализација. Имено, самата елетрична шема не ја покажува недвосмислено физичката поставеност на пооделните компоненти, како и начинот на кои тие се поврзани. Најголемиот дел од овие дилеми се разрешени уште со проектирањето на одредена ППК; но, кога се работи за реализација на High-End уред тоа како да не е доволно.

Во рамките на серијата "Мистериите на науката", замислена како дебата помеѓу авторот г. Симјановски и неговиот опонент г. Филевски, ЕМИТЕР објави два написа со теми за енигмата на душевните појави, едниот под наслов "Тајните на свеста" (ЕМИТЕР 3/10), вториот под наслов "Сликата на духот и на нематеријалната енергија" (ЕМИТЕР 3/11). И двата написа се всушност конфронтација помеѓу идеалистичкиот став на г. Симјановски и материјалистичкиот став на г. Филевски, па помалку упатените читатели на ЕМИТЕР ќе се најдат во дилема кој од двата става е точен. Од тие причини се вклучив во дебатата со овој напис, во кој се изнесени низа научни сознанија, кои покажуваат материјална условеност на духовните појави!