Како и сите други оперативни системи на Microsoft, така и Windows 7 има свои затскриени опции, до кои обичниот корисник потешко доаѓа. Во овој напис ќе ви претставам некои од нив, па така ќе можете да го забрзате вашиот оперативен систем и да ги подобрите неговите перформанси, стабилност и сигурност при работата. Исто така, во текстот што следува ќе пронајдете и некои позначајни новитети кои ќе ви користат при работа со новиот оперативен систем.

На оваа наша планета само мозокот на човекот е обдарен со свеста. Но, дали покрај свеста, која сите ние знаеме што е – но ни е многу тешко да ја дефинираме и објасниме, постои и нешто друго? Некои истражувачи тврдат дека покрај секојдневните, добро познати активности на мозокот, тој е способен и за примопредавање на мисли на далечина – телепатија. Дали телепатијата е докажана работа, и ако е, што е тоа во мозокот (или во телото) што го овозможува тоа?

Топлинската изолација на фасадите (КСиНТИ) е релативно скапа инвестиција и ваквите фасади треба да се во функција колку и животниот век на зградата или барем 30 - 40 години. Два се предуслови за исполнување на ова барање: испорака на составните компоненти со атест за квалитет според стандардите и изведба на изолацијата според пропишаната технологија. Во Македонија најчест случај е неисполнување ни на еден од овие услови.

Замајците со дводелна маса се од понов датум и се застапени само кај некои од современите дизелски мотори (common-rail, пумпа шприцалка, директно повеќестепено вшприцување и сл.) и поретко кај некој од современите бензински мотори со поголема зафатнина наменети за поголемите луксузни возила и камионети. Ќе се ставам во улога на проектант и ќе ги изнесам моите размислувања за тоа како од обичен (едноделен) замаец ќе се дојде до замаец со дводелна маса.

Пред повеќе од 25 години јас и брат ми Николче Поповски имавме идеја да изработиме авион во самоградба што на овие простори во тој период беше само илузија. Но она што овде не успеавме двајцата, тој успеа сам да го направи, да реставрира и да полета со авион од типот Тејлоркраф Л2-М во САД, каде живее повеќе од 22 години. Му беа потребни 8 години макотрпна работа – од прибирање на автентична документација и планови, преку целосна реставрација до првиот лет направен на 24.01.2010.

Во американското научно списание “National geographic” излезе многу интересен шематски приказ на историјата на нашиот свет: хронолошки редослед на најглавните настани во текот на целата негова историја, долга приближно 5 милијарди год., "сместен" во временски интервал од само една календарска година, што на приказот му дава особено голема прегледност. Идејата е на астрофизичарот Хајнрих Зидентопф (Heinrich Siedentopf). Ќе го проследиме тој интересен приказ.

Секоја сериозна фирма за спортски и тркачки автомобили ги опремува своите возила со програми (тоа се, пред сe, мехатронички помагала) кои асистираат при управувањето на автомобилот, особено кога се работи за спортско возење и трки (слични програми имаат и некои од луксузните патнички автомобили).

Уредот стробоскоп, кој ви го нудиме во овој проект, е наменет за светлински ефекти во игротеки, дискотеки, рекламни излози, а може корисно да послужи и како алармен уред за предупредување при разни опасности. Со помош на потенциометар може да се регулира фреквенцијата на блесоците од 1 до 10 блесоци во секунда.

Во оваа апликација претставен е исклучително едноставен аудиозасилувач изведен со интегрираниот аудиозасилувач TDA7052 произведен од Philips. Ова интегрирано коло ги содржи сите потребни компоненти за изведба на едноставен аудиозасилувач со максимална излезна моќност од 1W при употреба на звучник со импенданса од 8Ω. Карактеристично за овој засилувач е што за негова работа практично нема потреба од надворешни компоненти.

LMV1089 е двоен микрофонски засилувач со систем за потиснување на бучава и автоматски систем за калибрација од фамилијата PowerWise на National Semiconductors.

Одржувањето радиоврски на оддалеченост од неколку илјади километри е остварливо со радиоопрема која тежи помалку од два килограма и која зафаЌа само дел од просторот во мал ранец за еднодневно планинарење. Природните закони за простирање на електромагнетните бранови овозможуваат радиокомуникација на кусобрановото фреквентно подрачје на големи дистанци со употреба на мала излезна моЌност и едноставни ниско поставени антени.

Како да се запаметат повеќето контакт детали од една иста личност? Како да се организираат купот контакти напишани на ливчиња? Како да се заштитат од губење? Повикајте го ПОКЕН на помош!