Секоја сериозна фирма за спортски и тркачки автомобили ги опремува своите возила со програми (тоа се, пред сe, мехатронички помагала) кои асистираат при управувањето на автомобилот, особено кога се работи за спортско возење и трки (слични програми имаат и некои од луксузните патнички автомобили). На пример, Порше својот систем за асистенција при управувањето со возилото го именувал со трговскиот назив Porsche Stability Management (PSM), а Ферари на својот систем му го дал трговското име Манетино (од итал. manettino = мал лост). Токму со тоа фамозно Ферариево манетино накратко ќе се запознаеме во овој краток осврт.