Желбата за градба на одреден елемент или направа особено е истакната кај некои поединци, што во крајна мера резултира со многу научни новитети. Но, и обнова, односно реставрација на одредени направи кои имаат историско значење кај некои е професија, но многумина со тоа се занимаваат поради ентузијазам. Токму во тој правец тргна брат ми Николче (Nick) Поповски – Струјата, кој пред повеќе од 22 години замина во САД. Идејата која ја имавме да изработиме авион во самоградба на овие простори во тој период беше илузија. Она што овде не успеавме двајцата, тој успеа сам да го направи, да реставрира и да полета со авион од типот Л2-М во САД. Тој настан кај мене предизвика особено чувство на восхит и, секако, радост.
Пред да преминам со описот за реставрација и реконструкција на авионот од типот Л-2, во кратки црти ќе ги запознаам читателите за какво летало се работи.