LMV1089 е потопно аналоген двоен микрофонски засилувач со диференцијален влез и излез наменет за да ја намали бучавата во заднината, давајќи извонредна чистина во говорното подрачје. Тој првенствено е наменет за апликации во уреди за звучна комуникација.
LMV1089 ги засилува блиските звуци до оддалеченост од 4 cm од микрофоните, а ја потиснува акустична бучава која доаѓа од далечина поголема од 50 cm. Во добро калибриран систем, возможно е потиснување на далечната бучава до 20 dB.
Апликациите со интегрираното коло LMV1089 првенствено наоѓаат примена во комбинации слушалки-микрофон, во специјални микрофони за филмската индустрија (микрофон – фаќалка), во преносливи комбинации микрофон - слушалка за индустриски радиоврски, во разгласни микрофони и микрофони за општа намена, односно воопштено кажано, во апликации за професионална намена; но и во уреди за широка потрошувачка као блутут (Bluetooth) или како микрофонски стереопредзасилувач со изедначени карактеристики во видеокамери и фотоапарати.