Ова е еден многу незгоден дефект, затоа што нема чисти или еднозначно дефинирани симптоми. Многу тешко е да се дојде до дијагноза (причина за дефектот), а најчесто на крај се постапува и по методот на елиминација, т.е. вградување исправен дел доколку се сомневаме на него, и така сé по ред, додека не се поправи моторот. Меѓутоа, потребно е најнапред да ги исцрпиме сите други можности што ни стојат на располагање за да дојдеме до дијагнозата.

Постојаното намалување на цените на технологиите за безжична комуникација, како и на сензорите и уредите за процесирање, доведе до појавување на нова генерација паметни системи кои максимално ја искористувааат моќта на работењето во "заедница". Ниската цена овозможи комбинирање на овие технологии во уреди со мали димензии, па започнаа да се имплементираат системи со користење на десетици, па дури и неколку илјади вакви уреди.

Графичките картички од нижата средна, средната и вишата средна категорија секогаш биле најатрактивни за купувачите, најмногу поради одличниот однос цена - перформанси. Секако, кон тоа треба да се додаде и куповната моќ, но и делумната неупатеност на самите купувачи, кои најчесто не ја разбираат разликата помеѓу основните параметри на графичките картички.

Секој корисник на Windows се сретнал со проблемот на бавно вклучување и (или) исклучување на компјутерот, како и генерално бавна работа на системот. Причините за ова може да бидат различни, но една од најчестите е големиот број програми кои се вчитуваат со стартување на оперативниот систем. Имено, секој од овие програми зазема одреден простор од RAM меморијата, со што се смалува расположивата RAM меморија потребна за стартување на некоја апликација.

Многубројни се сведоштвата на сведоците за "блиски средби од трет вид" со вонземјани. Дали станува збор за едни те исти вонземни посетители од една иста раса, или Земјата е една од најпопуларните егзотични туристички дестинации во понудата на вонземните туристичките агенции ширум галаксијава, независно од вонземната раса? Тогаш сигурно на Земјата би доаѓале различни раси вонземјани. Уфолозите се обиделе да направати некој ред во извештаите од сведоците и да откријат за што станува збор.

Еден од нашите читатели има прегорен торусен трансформатор кој сака повторно да го врати во работа. Бидејќи соодветниот одговор изискува поинаков квалитет и повеќе простор од тој што го применуваме во рубриката "Писма", решивме одговорот да го дадеме во форма на посебен напис. Во текстот што следи дадени се сите неопходни формули и практични совети за успешно премотување на торусен трансформатор во аматерски услови.

Минатиот месец сондата Феникс престана со комуникација по нешто повеќе од пет месеци откако слета на површината на Црвената планета. Како што беше предвидено, со смената на годишните времиња на Марс дојде и до намалување на сончевиот период во арктичкиот круг - местото каде што роботот слета. Недостатокот од сончева светлина значеше и недоволно енергија за сончевите колекторски ќелии, кои генерираат електрична енергија за инструментите на сондата.

Во последно време сé повеќе се зборуваше за новиот оперативен систем на Мицрософт, кој засега е познат како Windows 7, а според некои најави од компанијата тие немаат намера да го сменат неговиот назив. И додека гласините за новитетите што треба да ги донесе новиот оперативен систем не кажуваа ништо конкретно, имаше најави дека Мицрософт наскоро ќе излезе со повеќе детали. Тоа и се случи на Microsoft Professinoal Developers Конференцијата (PDC 2008) одржана во Лос Анџелес.

Во внатрешна Монголија, Кина, е пронајден најголемиот досега диносаурус со изглед на птица.

Една од посебностите на full HD LCD телевизорот на Самсунг со ознака LE40A786 е тоа што наместо флуоресцентни ламби ја користи технологијата на LED заднинско осветлување, што како краен бенефит значи обезбедување добра еднообразност и извонреден констраст на сликата.

SSD (Solid State Drive) дисковите за прв пат беа претставени пред околу 25 години. Досега на овој пазар, помалку или повеќе успешно, се претставија повеќе компании, а перформансите на нивните производи се поприлично променливи, но видливо е дека имаат нагорна линија како и тренд на намалување на цената. Сето тоа придонесува за зголемен интерес на пазарот, а гигантот Интел е еден од оние кои одамна гледаат иднина во производство на SSD дискови.

Нобеловите награди за 2008 година им се доделени на 12 научници и активисти. Најпрестижните награди (за физика, хемија и медицина) оваа година се поделени меѓу повеќе добитници, а слично како и минатата, така и оваа година изборот на лауреатот за Нобелова награда за мир повторно побуди реакции. Бројот на Нобеловите лауреати од оваа година изнесува 809.

Тапанот е еден од најстарите музички инструменти кој, меѓу другото, освен за создавање музика на некои места од Земјината топка се употребувал и како најран вид на безжична комуникација, нешто како предисториски телеграф ;-). Звукот на тапанот настанува при удар со стап или рака на кожа затегната и прицврстена врз шуплив предмет. Кожата предизвикува вибрации на околниот воздух создавајќи на тој начин звук.