Секој корисник на Windows се сретнал со проблемот на бавно вклучување и (или) исклучување на компјутерот, како и генерално бавна работа на системот. Причините за ова може да бидат различни, но една од најчестите е големиот број програми кои се вчитуваат со стартување на оперативниот систем. Имено, секој од овие програми зазема одреден простор од RAM меморијата, со што се смалува расположивата RAM меморија потребна за стартување на некоја апликација. Така, кога корисникот ќе стартува некоја апликација, оперативниот систем проверува колкав мемориски простор е потребен на истата, па ако во RAM меморијата нема доволно простор, системот за оваа намена го користи таканаречениот паге филе, кој, всушност, се наоѓа на тврдиот диск и наједноставно кажано ја игра улогата на "продолжена" RAM меморија. Јасно, брзината на пристапот кон мемориските податоци преку RAM меморијата и page file не е иста, па како последица на тоа доаѓа до бавно вчитување на апликациите и целокупно забавување на работата на системот.