Денешниве персонални сметачи (компјутери) се толку усовршени, што без никакви проблеми можете да ги користите како извори на аудиосигнал, односно како замена за ДВД-плеер кој располага со предзасилувач со ton/volume контрола. Тие можат да се носат со поголем број извори на аудиосигнал, како што се ДВД, ЦД, МП3-плеери или други извори на аудиосигнал. Нивната предност е во тоа што со употреба на различни програми можете да вршите обработка на аудиосигналот: еквилизација по ваш вкус и слух или избор на готова еквилизација на музика за рок, поп, кантри изведба итн. Еден од најпознатите програми кој служи за оваа намена е WinAmp. Со помош на овој WinAmp плеер и со помош на квалитетен моќен аудиозасилувач со приклучени квалитетни звучници на неговиот излез (може да биде некој од проектите на ЕМИТЕР), кој ќе го приклучите на аудиоизлезот од вашиот персонален компјутер, ќе имате можност да добиете одлична аудиолинија која ќе ви притекне напомош секогаш кога сте расположени или имате повод да приредите забава за вашите пријателки и пријатели. Не е потребно многу да нагласувам дека за неколку недели е и најлудата и највеселата ноќ во годината – за да биде "навистина" најлуда и највесела потребна е соодветна аудиоопрема, атмосфера и добро весело друштво. Кон сето ова, голем придонес ќе даде и ова 8-канално лајт-шоу кое целосно е разработено во овој проект.