Појавата на нови генерации интегрирани засилувачи на моќност во класа Д во многу ја поедностави изработката на вакви уреди и ги приближи до градителите-ентузијасти со помал "стаж". Сепак, на листата на проблеми врзани со оваа тема останаа повеќе нерешени прашања кои, за нивно успешно совладување, подразбираат добро познавање на проблематиката.

Роботизираните камери нудат нов и усовршен пристап во продукцијата на телевизиските содржини. Во претходните две продолженија се запознавме со основните роботски системи, со ТВ-камерите и со методите за нивна автоматизација. Во ова, последно, продолжение ќе ги разгледаме разните типови на роботизирани камери. како и нивната примена во виртуелните 3Д-студија.

Во минатото продолжение беа разгледани системи за ладење, греење и вентилација и беа посочени повеќе мерки за зголемување на нивната ефикасност. Продолжуваме со системите за загревање вода и ја отвораме клучната проблематика – заштеда на електрична енергија.

Во почетокот на април, Интел го закажа првиот од трите најголеми ИДФ настани во Кина. Овојпат тој се одржа во Шензен, главниот град на првата и една од најуспешните кинески специјални економски зони. ИДФ се надоврза на минатогодишниот настан од Сан Франциско, продолжувајќи ја идејата за интелигентна облека и накит, но се чини дека ова беше само загревање.

Во овој број, продолжуваме со презентирање на можностите за пречистување на отпадните води, нивната класификација и потекло. Ќе бидат претставени и некои типови на пречистителни станици.

За да се разбере сегашноста и за да може да се прогнозира иднината мора да се познава минатото. Токму за настани и личности од минатото кои своевремено ги имаат поттикнато и насочено науката и техниката во насока која резултира со актуелниве научни и технички сознанија и благодати, станува збор во продолжението на овој напис. Настаните се однесуваат на актуелниот месец и сигурни сме дека ќе го задржиме Вашето внимание. Изборот на настаните и коментарите се на нашите стручни соработници.

Во овој дел од рубриката електроника во кратки црти ви презентираме нови компоненти и настани од светот на електрониката. Се надеваме дека следејќи ги актуелностите од оваа област Ќе успееме да ве приближиме кон новите трендови во електрониката, а со тоа ќе добиете и поцеловит увид во производството на "главните играчи" во оваа област со постојан подем.

Флешување на мобилните телефони не е така едноставна операција, како што на пример, денес е сведена кај персоналните компјутери. Секако, во принцип се работи за слична операција, но ретко кој просечен корисник на мобилен телефон ќе се одлучи на ваков чекор. Јасно, за ова треба да се има добра причина и, секако, одредени вештини и познавања, бидејќи секоја грешка може да биде фатална за функционалноста на мобилниот телефон.

Откриена џуџеста планета која го редефинира сончевиот систем;
Cloud безбедносниот систем на Волво;
COSMOS LCD – рачен дигитален микроскоп;
"е-кожа" опремена со меморија;
Бандажи од карбонски влакна;
Дали е на повидок "YahooTube"?;
Cambridge Audio Azur 851W;
Имплантите ја носат борбата во туморот;
Биолуминисцентни дрвја еден ден ќе ги осветлуваат улиците;
Кога птеросаурусот владееше со небото;
SKF топлински камери;