Електроника

2011 година беше прогласена за "Година на лилјаците" со намера да се подигне општествената свест кај луѓето за овој единствен вид летачки цицачи, кои се обвиени со мистерија за повеќето луѓе. Лилјаците имаат слаб вид и се ориентираат во просторот на принципот на т.н. "ехолокација": тие емитуваат ултразвучни фреквенции и на основа на нивното ехо од околните предмети прецизно се ориентираат во просторот, летаат и ловат инсекти! Сакате ли да ги слушнете тие ултразвучни фреквенции?


Аеронаутика

Како ќе се лета, да речеме, во 2050 година? Како тогаш ќе изгледаат авионите? Кој ќе пилотира со нив?


Астрономија и астронаутика

Како изгледа нашиот универзум кога ние би го гледале "однадвор"? Тоа се обидува да го детерминира посебна математичка гранка наречена топологија. Пресметките покажуваат 3 основни тополошки геометриски фигури како реално можни облици на универзумот, но, ние никогаш нема да можеме нив да ги видиме, туку само да ги замислиме: торус, сфера и хорна.


Аудио и видеотехника

Во второво продолжение од оваа серија ќе ја преправаме звучната кутија Ei HSR 140, од затворена (компресиона) во бас-рефлекс. Заедно со модифицираната свртница од минатиот број на ЕМИТЕР, на овој начин се добива сензационално подобрување на легендарниот југословенски звучник Ei HSR 140.


Биологија

Ние луѓето вообичаено мислиме дека нашиот систем за вид е на самиот врв од досегот на еволуцијата, но таа ги дарувала птиците со систем за колор визија којшто го надминува системот на сите цицачи, вклучувајќи го и човекот. Имено, за разлика од човекот кој боите ги распознава со помош на три типа пигменти во ретината на окото (чувствителни на сина, зелена и црвена боја), птиците имаат четири пигменти - за сина, зелена, црвена и ултравиолетова светлина.


Автомобилска техника

Испитувањето со мерење на компресија е релевантна метода на автомеханичарите со која се дознава моменталната состојба на моторот. Резултатите имаат третман на доказ, а нивното толкување е пресудно за да се изведат вистинити заклучоци за дефектот и воопшто за општата состојба на моторот. Често се користи во автомеханичарската пракса: да не речам, "едно-две" и се пристапува кон мерење на компресијата на моторот.


Аудио и видеотехника

Колку гласно е премногу гласно? Одговорот на ова прашање не е едноставен. Поставувањето на точни аудионивоа, како и следењето и мешањето на аудиосигналите може да биде тежок и напорен процес, и покрај напредните технологии. Новите компактни видеокамери доаѓаат со нов бран на интерес и со нови барања кои мораат да бидат задоволени за аудиоснимање.


Електроника

Во претходниот број на Емитер е даден вовед во програмерскиот модел на овие микроконтролери со преглед на тоа како ARM микропроцесорското јадро се поврзува со дополнителни периферни компоненти. Во овој број ќе продолжиме со објаснување на моделот, како и со подетално објаснување на инструкцискиот сет што го поддржуваат овие микроконтролери.


Еурека

Во овој текст даден е краток историски преглед и вовед во аномалната динамика во комплексни системи. Претставени се теориските модели за опишување на процесите на аномална дифузија и неекспоненцијална релаксација, како и математичкиот апарат кој се користи во истите. Дадени се величините кои служат за определување на типот на ваквите процеси. Потенцирана е експерименталната потврда на овие процеси и системите коишто можат да се опишат со помош на теориските модели.


Информатика

Овој ултрабук конвертибилен систем е дело на Microsoft и доаѓа со нивниот најнов Windows 8 OS. Официјално на пазарот се најде овој месец, придружувајќи му се на својот постар брат, Surface RT, кој дебитираше минатата година на 26 октомври. Двата система наликуваат еден на друг, но како и сите роднини, тие имаат сосема различни особини.


Информатика

Секоја нова инсталација на оперативниот систем Windows работи брзо и ефикасно. Таа состојба полека се менува, на полошо се разбира, во оној момент кога ќе почнеме да инсталираме разни програми кои ни се потребни за работа. Па, и во таква ситуација, Windows ќе продолжи солидно да ја извршува својата работа. Поголемите проблеми почнуваат тогаш кога корисникот ќе започне со деинсталација на некои програми.


Металство и машинство

Во ова продолжение ќе ги објасниме останатите составни делови на кранот: куката, барабанот, кочницата, носечката конструкција, стабилизаторите, погонските мотори и редуктори. Секој од овие составни делови има важна улога за беспрекорно функционирање на кранот и за безбедно подигање на товарот.


Фототехника

Премногу евтино за да биде добро? Доколку се водите по оваа максима, тогаш сте на добар пат да испуштите одлична можност вашиот Sony NEX или, пак, Olympus E-PL5, Panasonic Lumix DMC-G5 или друг Micro 4/3 модел на фотоапарат да го "почестите" со објектив кој ги остава "во прав", како стандардните – stock објективи, така и најголемиот број модели од неговата категорија. И тоа, по цена од…е, па, читајте понатаму!


Астрономија и астронаутика

Орбиталната опсерваторија Хершел (Herschel) на ESA за првпат откри молекули на водена пареа во космички облак (небула), во кој тукушто започна формирањето нова ѕвезда, можеби слична на нашето Сонце.


Електроника

Во овој дел од рубриката електроника во кратки црти ви презентираме нови компоненти и настани од светот на електрониката. Се надеваме дека следејќи ги актуелностите од оваа област ќе успееме да ве приближиме кон новите трендови во електрониката, а со тоа ќе добиете и поцеловит увид во производството на "главните играчи" во оваа област со постојан подем.


Електроника

Денес, кога технологија е на високо ниво сè почесто се среќаваат уреди кои во своето име го содржат зборот "дигитален". Така, може да набавите дигитален телевизор, дигитален радиоуред, дигитален часовник итн. Ова име навлегува во сè поголем број уреди кои нè опкружуваат. Секако дека голем број од потрошувачите не разбираат што означува овој поим, но сепак, мислат дека ако купат уред кој е дигитален, купиле нешто што е најново и најдобро.


Електроника

Нашиот редовен читател, Љупчо Талевски од Битола многу пријатно нe изненади, пишувајќи ни од Шведска, каде што сега живее и работи. Тој нè потсети: "Можеби ме памтите, на времето често ви пишував писма и бев еден од поголемите ваши критичари, а сега се смеам кога ќе ми текне што сè сум пишувал во писмата :)". Се разбира дека се сеќаваме на тие многубројни писма (некои од нив се објавени во ЕМИТЕР), но најголем впечаток тогаш ни остави неговата голема посветеност на електрониката.


Електроника

Ненадеен прекин на електричното напојување во ноќно време може да предизвика несакани проблеми во некој случај, доколку веднаш не се активира некое резервно осветлување. Решавањето на тој проблем ви го предлагаме во овој напис: самоградба на електронски склоп за автоматско вклучување резервно осветлување со LED-диоди, напојувани од една обновлива NiCd батерија од 9V.


Информатика

LinkedIn во основа е деловна социјална мрежа којашто овозможува поврзување на сите оние што делат иста професија, оние што бараат или нудат работа или оние што имаат некаков заеднички деловен интерес. За разлика од другите социјални мрежи, чие време полека, но сигурно како да изминува, LinkedIn како да се раѓа повторно, посилна и побројна од кога и да е.


Медицина

Постарите читатели, но и помладите, сигурно од своите баби ја слушнале изреката: од стара мајка дете. Ова вообичаено се користи за деца што ги родиле повозрасни мајки, а значи "умно дете". Од дамнина, и без некои научни истражувања било познато дека децата од повозрасни мајки се поумни, но за влијанието на возрасни татковци врз потомството нема истражувања ни порано, ни сега! Што покажуваат истражувањата за децата од повозрасните мајки? Прочитајте за да дознаете!


Медицина

Студии со глувци покажуваат дека оваа терапија е ефикасна, дури и во случаи на тумори на мозокот, кои многу тешко се третираат и се речиси неизлечливи. Три недели по имплантацијата на лекот во туморот на мозокот, на глувците што биле третирани им се подобрила на состојбата, за разлика од глувците што не биле третирани.


Омнибус

Раката во гипс го менува мозокот;
"Ајнштајнов КРСТ";
Флексибилни мобилни телефони;
Технологија за екстремни услови;
Иновативна туш-кабина;
Лепило што се активира со светлина;
Audacity - бесплатна програма за уредување и снимање на звук;
Откриено како изгледа мислата во мозокот на риба-зебра;
Оптичкиот феномен "сончево хало";
Џебен PC;
Steadicam Phantom V;
DRACO – лек против вируси;
Метеор експлодираше над Русија;


Електроника

Кога зборуваме за аудиоуреди во нашиот автомобил, наидуваме на многу пречки во нашето настојување да добиеме одличен квалитет и висока верност на звукот. Тука тие во прв ред се: високото ниво на бучава во кабината, големото присуство на електромагнетни пречки и релативно малиот напон на акумулаторот, кој не дозволува на едноставен начин да се добијат големи моќности на излезниот сигнал. TDA8560 како да наоѓа вистински баланс меѓу овие три лимитирачки фактори.


Електроника

Електронското коло опишано во написот што следува овозможува задоцнето гасење на светлото во вашиот автомобил, кое не е моментално туку постепено, што го прави многу попријатно.


Писма
Лајтшоуто од Е12/08 на компјутер без LPT-порта
Рекламација за фалсификуваната компонента
Инсталација на водовод и парно греење