Енергијата во каква било форма е најзначајниот фактор во животот на човекот. Без енергија, нема живот. Во денешно време, кога човештвото доживува енормен и брз развој, модерното општество уште помалку може да се замисли без енергетските системи кои, што ни ги обезбедуваат сите функционалности. Од самата енергија како физички феномен потекнува и значајноста за нејзино правилно и ефикасно искористување. Овој серијал написи е посветен токму на енергетската ефикасност.

Фабрикувањето материјали со нанодимензии (0,1 – 100 nm) и вградувањето одредени својства во нив, лежат во срцето на растечката нанонаука и нанотехнологија. Во овој текст ќе се обидам да ви доловам поглед на најниската скала на нанотехнологијата (т.е. 0,1 – 20 nm), која ги вклучува концептите на самосклопување, огромната варијација на биолошките и синтетичките системи што се познати досега, но и за идејата за создавање неоргански живот.

Во оваа статија е прикажан едноставен и интересен алармен склоп за заштита на вашиот стан од несакани посетители. Склопот се огласува со звучен сигнал при допир на бравата од влезната врата, и на тој начин ја штити од насилно отворање.

Способноста да кодирате компјутерски програми е дел од писменоста во денешното општество. Scratch е едукативен програмски јазик којшто ви овозможува да програмирате свои интерактивни приказни, игри и анимации. Дизајниран првенствено за деца на возраст меѓу 8 и 16 години, денес го користат луѓе од сите возрасти.

Диносаурусите живееле на Земјата во далечното минато, некаде од пред 220 милиони години и живееле до пред 65 милиони години, кога наеднаш исчезнале во еден многу кус временски интервал! Причината за нивното исчезнување се припишува на ненадејна промена на климатските услови, предизвикана од пад на метеор со пречник од околу 10 km, Но диносаурусите не исчезнале наполно, како што вообичаено се сметаше, туку тие оставиле потомци, коишто живеат и денес – тоа се птиците! Ова порано беше само претпоставка, но, најновите морфолошки истражувања потврдиле дека птиците потекнуваат од диносаурусите!

Виртуелната колоноскопија е дијагностичка постапка на разгледување и испитување на внатрешноста на дебелото црево, со т.н. патување низ него. Виртуелната колоноскопија е можна со користење на најновите МДКТ-системи, кои користат рентгенски зраци и компјутер за создавање 2Д и 3Д-слики. Таа е метод на медицински предизвик и е исклучиво дијагностички, користен за откривање на патолошки состојби на дебелото црево, со особена вредност во дијагностика на полипи, дивертикули и малигни промени.

На пазарот, а особено на интернет се нудат мноштво додатоци за вградување во автомобилите по нивната продажба (after market). Значи, тие додатоци не ги вградува производителот на автомобилот, туку разни фирми ги произведуваат, ги продаваат и ги вградуваат рекламирајќи ги како уреди коишто ги подобруваат карактеристиките на автомобилот.

Конечно, ќе се запознаеме со најмалото сериско автомобилче во светот што е влезено дури и во Гинисовата книга на рекорди. Мало, слатко, евтино, исклучително практично градско возило, кое во 2012 година одбележа јубилеј – 50 години од неговата појава. Секогаш плени со својот необичен и исклучително практичен и спартански дизајн и мами воздишки. Шармантен е. Вистински хит во Велика Британија и во многу европски земји.

Во неколку претходни статии во оваа рабрика беа презентирани повеќе конструкции на осцилатори (генератори) на правоаголни и на синусни сигнали. Во овој број одлучивме да презентираме едно едноставно коло кое со помош на два операциски засилувачи, едниот поврзан како компаратор, а другиот како интегратор, истовремено генерира правоаголни и триаголни сигнали во широк опсег на фреквенции.

Мисијата имаше задача од орбитата да ги мапира варијациите на гравитациското поле на површината од Земјата. Притоа, орбитерот детектира еден многу интересен податок: "лузна" во гравитацијата, предизвикана од земјотрес.

Микроконтролери, процесори, развојни плочки, embedded системи, 8051, PIC, AVR, ARM, Visual Studio, .NET, … ако овие зборови Ви привлекоа доволно внимание да ја читате оваа реченица тогаш Вие сте на вистинската страница, седнете удобно, исклучете се од околината и читајте го овој текст до крај - тој е напишан специјално за Вас.

Секој што го слушнал својот глас снимен на некој носач на звук, било да станувало збор за говор или за пеење, бил изненаден или дури зачуден бидејќи имал чувство дека тоа не е неговиот сопствен глас! Притоа, секој си го поставува прашањето: има ли некакво логично објаснување за тоа? Има. Прочитајте го текстов, и ќе дознаете.

За добра слика не се доволни само добра камера и осветлување, потребен е и добар видеомонитор. Добро избран монитор е клучот за успешна работа бидејќи мониторот го прикажува она што се емитува или се снима и ако тој не е квалитетен или не е добро нагоден, целиот труд ќе биде залуден. Ако, пак, производот е добар, сознанието дека можеби сработеното не е квалитетно внесува непотребна нервоза и ја намалува креативноста, а може да предизвика и непотребни финансиски трошоци.