Денес, цените на CD-плеерите полека, но сигурно паѓаат, така што се далеку од цените на оние пионерски модели од почетокот на CD историјата. Денешните нискобуџетни плеери нудат сосема солиден квалитет и доволно ниска цена за да го свртат вниманието на милионите потенцијални купувачи кои се уште немаат CD-плеер. Од овие причини решивме да претставиме три нискобуџетни CD-плеери со цена под 450 DM, кои можат да се најдат во продажба кај нас.

Денеска во изборот на наследникот на катодната цевка се вклучени голем број на фирми од Европа, Јапонија и Америка. Повеќето од нив се здружени во конзорцијум за производство и развој предводени од пентагоновата агенција за развој (Advanced Projects Research Agency). Во прашање не е само развојот на конвенционални ТВ-приемници туку и дисплеји за компјутерите, камкордерите, виртуелната реалност и за други апликации за кои можеме само да сонуваме.

Поради масовноста на телефонските приклучоци во една јавна телефонска говорница и тешкотиите од наплатата на сметките што пооделно ги прави секој од корисниците на јавната телефонска говорница се појавија специјализирани уреди кои вршат директна визуелизација на телефонската говорница со точна наплата посебно за секој корисник на говорницата. Досега во нашата држава се користеа вакви системи од странско потекло кои беа доста скапи и тешки за одржување.

Овој алармен уред е направен за заштита на Вашиот автомобил од насилно отварање и евентуална кражба. Системот на работа се базира на детекција на мали промени на напонот на вградениот акумулатор во Вашиот автомобил. При отварање на врата во кабината се пали кабинско светло што предизвикува течење на мала струја и промена на напонот.

Во овој напис е даден краток преглед на развојот на радиокомуникациите од крајот на XIX век до денес.

Ако имате постар персонален компјутер, чија магистрала е од типот ISA, тогаш со малку пари и малку труд ќе можете да добиете одличен звук од вашиот компјутер. За да го направите тоа, покрај хардверот ќе ви биде потребен и соодветен софтвер. Еден таков едноставен програм е музичкиот програм Visual player. Ако сè уште не сте го набавиле, а и не познавате некој кој го има, ќе можете да го набавите преку BBS мрежата. Ако и тоа не можете, побарајте го од нас.