Токму на преминот од старата во новата 1998 година, нашиот аудио пазар беше збогатен со уште еден производител на звучници, звучнички системи и електроника. Станува збор за реномираната американска фирма BOSE. Во вид на Новогодишен поклон, пред македонските потрошувачи, за првпат во организирана продажба, беше претставена целокупната гама на BOSE, која опфаќа производи за сечии џеб и вкус. По исчезнување на двајцата дистрибутери за TANNOY, на нашиот пазар се почувствува сериозен недостаток од квалитетен производител на звучни кутии, чија програма опфаќа како производи за домашна употреба, така и производи за професионална употреба. Познавачите на аудио техниката можат да потврдат, дека одговорот во вид на BOSE е вистински погодок.

Тие можеби не се гламурозни или скапи како егзотичните студиски кондензаторски микрофони, но сè уште играат значајна улога како на концертните сцени така и во професионалните студија. Колку технологијата на кондензаторките микрофони да напредува, колку и да се подобрува нивниот квалитет, колку и да сте подготвени да платите за нив, секогаш во едно музичко или радио дифузно студио ќе има место за неколку динамички микрофони.

Сигурно поголем број од читателите забележале дека прегорувањето на електронските уреди најчесто се случува во моментот на вклучувањето на истиот. Најчесто на удар се деловите од уредот кои се најмногу оптоварени и по некое правило ова се и најскапите делови. Причината поради која најчесто се случува прегорувањето во старт е поради тоа што во преодниот режим на уредот може да се појават напонски или струјни удари кои некој дел не може да ги издржи и настанува негово разорување.

Слушалката треба да создаде звучно поле во многу мал простор;тоа е надворешниот дел од увото-ушната школка и слушниот канал-чија вкупна зафатнина изнесува околу 30cm3. Налегнувањето на слушалката врз увото има влијание врз стекнатиот впечаток за фреквенциската содржина; кон ова мора да се додаде и влијанието на проводноста на мекото ткиво и на коските од главата. Овие елементи многу ги разликуваат слушалките од звучниците.

Доколку во вашиот автомобил се јавила потребата за приклучок од 220V изградбата на овој мал претворувач би претставувала предизвик за секој електроничар а и решението на проблемот. Преку овој претворувач можете да напојувате радио приемник, мал телевизор или било кој друг уред предвиден за напојување со напон од 220V/50Hz и моќност до 30W.

Резултати од Републичкиот КБ - натпревар "Гоце Делчев" - 1998 година; Почетоците на WW DX contest; CQWPX - нови категории; Меѓународни радиотелеграфски клубови; DXCC 2000; Правила за дипломата Israel's anniversary 50th; Соларен циклус 23 во подем; DX – информации; Календар на меѓународни КБ-натправари