Доколку во вашиот автомобил се јавила потребата за приклучок од 220V изградбата на овој мал претворувач би претставувала предизвик за секој електроничар а и решението на проблемот. Преку овој претворувач можете да напојувате радио приемник, мал телевизор или било кој друг уред предвиден за напојување со напон од 220V/50Hz и моќност до 30W. Доколку претерате со неговата работа и го испразните акумулаторот, овој мал претворувач префрлете го на функцијата “полни” при што со понатамошната негова работа тој ќе го полни акумулаторот со струја од 2,5А. Претворувачот нема да ни каже кога е полн акумулаторот и да се исклучи, но не постои ни ризик за преполнување.