Оние кои се занимаваат со дизајнирање и склопување на електрични кола сигурно имале често потреба да ја измерат температурата на поедини компоненти. За таа цел постојат комерцијално достапни термометри, било како независни уреди, било како проширување на стандардниот дигитален мултиметар. Голем број од тие уреди имаат широк температурен опсег, од 200°C или повеќе, но за жал се прилично скапи. Ако се користат само повремено, тешко дека може да се оправда инвестицијата во еден таков уред. Термометарот кој ќе го опишеме овде е многу едноставен, има мал број на компоненти кои можат да се најдат во секоја продавница за електроматеријали, па така можат да го направат и оние кои немаат големо искуство во електрониката. Температурниот опсег на овај конвертор е -30°C до +120°C, што е доволно за голем број примени.