Сигурно поголем број од читателите забележале дека прегорувањето на електронските уреди најчесто се случува во моментот на вклучувањето на истиот. Најчесто на удар се деловите од уредот кои се најмногу оптоварени и по некое правило ова се и најскапите делови. Причината поради која најчесто се случува прегорувањето во старт е поради тоа што во преодниот режим на уредот може да се појават напонски или струјни удари кои некој дел не може да ги издржи и настанува негово разорување. Со уредот прикажан во овој проект се обезбедува меко стартување, многу се продолжува и векот на траење на диодите и кондензаторот во напојувањето бидејќи нема нагло да протече многу голема струја во старт.